جاڭالىقتار
كارتوپ ەكسپورتىنا شەكتەۋ قويىلدى
فوتو: اشىق دەرەككوز
كارتوپ ەكسپورتىنا شەكتەۋ قويىلدى, دەپ جازدى qandastar.kz
قازاقستان ىشكى نارىقتاعى باعانى تۇراقتاندىرۋ ءۇشىن التى ايعا كارتوپتى ءۇشىنشى ەلدەرگە ەكسپورتتاۋعا شەكتەۋ قويدى. بۇل شەشىم ەۋرازيالىق ەكونوميكالىق وداق ەلدەرىنە قولدانىلمايدى, الايدا بۇل باعىتتاعى تاسىمالعا باقىلاۋ جۇرگىزىلەدى.
atamekenbusiness_qaz حابارلاعانداي, بۇدان باسقا ەكسپورتقا فيتوسانيتاريالىق سەرتيفيكاتتار بەرۋ تولىعىمەن توقتاتىلدى. قابىلدانعان شارالار كارتوپ باعاسىنىڭ تۇراقتىلىعىن قامتاماسىز ەتۋگە, نەگىزسىز قىمباتتاۋدىڭ الدىن الۋعا جانە نارىققا قاتىسۋشىلار تاراپىنان الىپساتارلىق ارەكەتتەرگە جول بەرمەۋگە باعىتتالعان. اۋىل شارۋاشىلىعى مينيسترلىگىنىڭ دەرەگىنشە, رەسپۋبليكاداعى كارتوپ قورى 850 مىڭ توننادان اسادى. بۇل قور جاڭا ءونىم الىنعانعا دەيىن ىشكى قاجەتتىلىكتى تولىق قامتاماسىز ەتۋگە جەتكىلىكتى.
