Jańalyqtar
Kartoptyń baǵasy nege sharyqtap ketti?
Foto: ashyq derekkóz
Elimizde kartop baǵasy sharyqtap ketti. Qazir dúkende 480 teńge, al bazarda 380 teńgeden saýdalanyp jatyr, dep jazdy qandastar.kz
Kartopqa degen asa joǵary suranys ishki naryqqa áser etkeni atap ótildi. Máselen, sońǵy aptada eksportqa baǵyttalǵan óndirýshiler arasynda baǵanyń kúrt ósýi (170 teńgeden 270 teńgege deıin) tirkeldi. Alaıda, Aýyl sharýashylyǵy, Saýda jáne ıntegraııa mınıstrlikteri eldegi kartop naryǵyndaǵy qalyptasqan ahýalǵa turaqty túrde baqylaýdy endi júrgizip jatyr.
Kórshi elderdiń, ásirese О́zbekstan tarapynan suranystyń artýyna jáne eksporttyq baǵanyń joǵary bolýyna baılanysty bıyl kartop eksporty 1,5 esege, ıaǵnı 411 myń tonnadan 605 myń tonnaǵa deıin ósti.
«Osyǵan baılanysty, ishki naryqtaǵy kartop baǵasyn turaqtandyrý maqsatynda 2025 jylǵy 18 qańtarda ótken Saýda qyzmeti máseleleri jónindegi vedomstvoaralyq komıssııa otyrysynda kartopty úshinshi elderge áketýdi 6 aı merzimge shekteý týraly sheshim qabyldandy. Bul shara EAEO elderine qoldanylmaıdy, alaıda bul baǵyttaǵy eksportqa baqylaý júrgiziledi. Sonymen qatar qalyptasqan jaǵdaıdy eskere otyryp, bıylǵy 16 qańtarda eksportqa fıtosanıtarııalyq sertıfıkattar berý tolyǵymen toqtatyldy», – delingen Úkimettiń habarlamasynda.
Qabyldanǵan sharalar kartop baǵasynyń turaqtylyǵyn qamtamasyz etýge, baǵanyń negizsiz ósýine jol bermeýge jáne naryqqa qatysýshylar tarapynan alypsatarlyq áreketterge jol bermeýge baǵyttalǵan.
Sondaı-aq Saýda jáne ıntegraııa mınıstrliginiń aýmaqtyq organdary monopolııaǵa qarsy organnyń aýmaqtyq bólimshelerimen birlese otyryp, jaǵdaıǵa kúsheıtilgen qadaǵalaý júrgizedi jáne saýda qyzmeti máseleleri boıynsha qoldanystaǵy zańnamany buzǵan jaǵdaıda olar naryqqa qatysýshylarǵa shuǵyl yqpal etý sharalaryn qabyldaıdy.
Dese de, dúken sórelerinde kartop baǵasy kúrt ósip ketti. AShM derekteri boıynsha, búgingi tańda qolda bar qor 2025 jylǵy erte egin jınaý naýqanyna deıin ishki qajettilikti tolyq jabý úshin jetkilikti. 19 qańtardaǵy jaǵdaı boıynsha, qorlar saýda jelilerindegi qorlardy esepke almaǵanda 850 myń tonnadan asady.
