قارتتار ۇيىندە تۇرىپ جاتقان قاريالاردىڭ 90%-ى – قازاقتار

فوتو: اشىق دەرەككوز

اتا-اناسىن قارتتار ۇيىنە تاپسىرعانداردىڭ ايلىعىنىڭ 50%-ىن ۇستاپ وتىرۋ ۇسىنىلدى, دەپ جازدى qandastar.kz

بۇل قاراجات قاريالاردىڭ شوتىنا اۋدارىلىپ وتىرۋى ءتيىس.

سونداي-اق 70 جاستان اسقانداردىڭ جىلجىمايتىن مۇلكى بولعان جاعدايدا ونى باسقا ادامنىڭ اتىنا راسىمدەۋگە تىيىم سالۋ قاجەت. مۇنداي باستامانى ءماجىلىس دەپۋتاتى تاڭساۋلە سەرىكوۆ كوتەردى. رەسمي ستاتيستيكاعا سۇيسەنسەك, 2023 جىلدىڭ سوڭىندا ەلىمىزدە 51 قارتتار مەن مۇگەدەكتەر ءۇيى جۇمىس ىستەگەن. ونىڭ 43-ءى مەملەكەتتىك بولسا, قالعانى – جەكە مەنشىك. تاعى ءبىر ورتالىق شەتەلدىكتەردىڭ مەنشىگىندە. قارتتار ۇيلەرىنىڭ ەڭ كوپ سانى شىعىس قازاقستاندا ورنالاسقان (11). ال شىمكەنت, الماتى, اتىراۋ قالالارىندا جانە اقتوبە, ماڭعىستاۋ, تۇركىستان, جەتىسۋ جانە ۇلىتاۋ وبلىستارىندا ءبىر-ءبىر ورتالىقتان بار. ەلدەگى قارتتار ۇيىندە 6 824 ادام تۇرادى. ونىڭ 950-ءى استانادا, ال 905 ادام – شىعىس قازاقستاندا. دەپۋتاتتىڭ سوزىنشە, قارتتار ۇيىندە تۇرىپ جاتقان قاريالاردىڭ 90%-ى – قازاقتار.