Qarttar úıinde turyp jatqan qarııalardyń 90%-y – qazaqtar

Foto: ashyq derekkóz

Ata-anasyn qarttar úıine tapsyrǵandardyń aılyǵynyń 50%-yn ustap otyrý usynyldy, dep jazdy qandastar.kz

Bul qarajat qarııalardyń shotyna aýdarylyp otyrýy tıis.

Sondaı-aq 70 jastan asqandardyń jyljymaıtyn múlki bolǵan jaǵdaıda ony basqa adamnyń atyna rásimdeýge tyıym salý qajet. Mundaı bastamany Májilis depýtaty Tańsáýle Serikov kóterdi. Resmı statıstıkaǵa súısensek, 2023 jyldyń sońynda elimizde 51 qarttar men múgedekter úıi jumys istegen. Onyń 43-i memlekettik bolsa, qalǵany – jeke menshik. Taǵy bir ortalyq sheteldikterdiń menshiginde. Qarttar úıleriniń eń kóp sany Shyǵys Qazaqstanda ornalasqan (11). Al Shymkent, Almaty, Atyraý qalalarynda jáne Aqtóbe, Mańǵystaý, Túrkistan, Jetisý jáne Ulytaý oblystarynda bir-bir ortalyqtan bar. Eldegi qarttar úıinde 6 824 adam turady. Onyń 950-i Astanada, al 905 adam – Shyǵys Qazaqstanda. Depýtattyń sózinshe, qarttar úıinde turyp jatqan qarııalardyń 90%-y – qazaqtar.