جاڭالىقتار
قارۋلانىپ, تۇرعىندى قورقىتقان ءماسليحات دەپۋتاتى قامالدى
فوتو: اشىق دەرەككوز
نۇرا اۋداندىق ءماسليحاتىنىڭ دەپۋتاتى سەرىك بەكماعامبەتوۆ ۇساق بۇزاقىلىق جاساعانى ءۇشىن 15 تاۋلىككە قامالدى. حالىق قالاۋلىسى ەكى باپ بويىنشا ايىپتالدى, دەپ جازادى qandastar.kz
وبلىستىق پوليتسيانىڭ حابارلاۋىنشا, 21 قازان كۇنى قاراعاندى وبلىسىنىڭ احمەتاۋىل اۋىلىندا دەپۋتات 60 جاستاعى جەرگىلىكتى تۇرعىندى قارۋمەن قورقىتقان. سەبەپ – جابىرلەنۋشى دەپۋتاتتىڭ جولىن كولىكپەن كەسكەن. پوليتسيا قىزمەتكەرلەرى قۇقىق بۇزۋشىنى ۇستادى.
«دەپۋتاتتىڭ ۇستىنەن «ۇساق بۇزاقىلىق» بابى بويىنشا اكىمشىلىك ءىس قوزعالىپ, سوت شەشىمىمەن 15 تاۋلىككە قاماۋعا الىندى. سونىمەن قاتار «قورقىتۋ» جانە «زاڭسىز اتىس قارۋىن الىپ ءجۇرۋ» باپتارى بويىنشا قىلمىستىق ءىس قوزعالدى. قازىر جابىرلەنۋشىنىڭ بارلىق ۋاجدەرى مۇقيات تەكسەرىلىپ جاتىر. قىلمىستىق ءىس قاراعاندى وبلىسىنىڭ پوليتسيا دەپارتامەنتى باسشىلىعىنىڭ باقىلاۋىندا, دەپ حابارلادى پوليتسيا دەپارتامەنتىنىڭ ءباسپاسوز قىزمەتى.
