Qarýlanyp, turǵyndy qorqytqan máslıhat depýtaty qamaldy

Foto: ashyq derekkóz

Nura aýdandyq máslıhatynyń depýtaty Serik Bekmaǵambetov usaq buzaqylyq jasaǵany úshin 15 táýlikke qamaldy. Halyq qalaýlysy eki bap boıynsha aıyptaldy, dep jazady qandastar.kz

Oblystyq polıııanyń habarlaýynsha, 21 qazan kúni Qaraǵandy oblysynyń Ahmetaýyl aýylynda depýtat 60 jastaǵy jergilikti turǵyndy qarýmen qorqytqan. Sebep – jábirlenýshi depýtattyń jolyn kólikpen kesken. Polıııa qyzmetkerleri quqyq buzýshyny ustady.

«Depýtattyń ústinen «usaq buzaqylyq» baby boıynsha ákimshilik is qozǵalyp, sot sheshimimen 15 táýlikke qamaýǵa alyndy. Sonymen qatar «qorqytý» jáne «zańsyz atys qarýyn alyp júrý» baptary boıynsha qylmystyq is qozǵaldy. Qazir jábirlenýshiniń barlyq ýájderi muqııat tekserilip jatyr. Qylmystyq is Qaraǵandy oblysynyń polıııa departamenti basshylyǵynyń baqylaýynda, dep habarlady polıııa departamentiniń baspasóz qyzmeti.