قارىمدى قالامگەر م. سارسەكە دۇنيەدەن وزدى

زاڭعار جازۋشى, دراماتۋرگ مەدەۋ سارسەكە 88 جاسىندا دۇنيەدەن وزدى. ءوندىرىس پەن شىعارماشىلىقتى قاتار ۇستاعان قارىمدى قالامگەر 1936 جىلى سەمەي وبلىسىندا دۇنيەگە كەلدى. الماتىداعى كەن-مەتاللۋرگيا ينستيتۋتىن ءتامامداپ, ەڭبەك جولىندا ءوندىرىستى تاستاماي, شىعارماشىلىقپەن ۇشتاستىردى.

بۇل تالعامدى وقىرماننىڭ ىستىق ىقىلاسىنا بولەنگەن عىلىمي فانتاستيكالىق تۋىندىلاردىڭ جازىلۋىنا جول اشتى. سول ءۇشىن كەي زامانداسى ونى ينجەنەر-قالامگەر دەپ تە اتايدى. العاشقى ەكى كىتابى ءۇشىن 1962 جىلى كسرو جازۋشىلار وداعىنا مۇشەلىككە قابىلداندى. «عاجايىپ ساۋلە», «كورىنبەستىڭ كولەڭكەسى» «وت جانە اتوم», «جەتىنشى تولقىن» حيكاياتتارى وقىرمانعا كەڭىنەن تارادى. شىعارمالارى 100 مىڭ دانامەن جاريالانىپ, كۇللى وداققا ءمالىم بولدى. جازۋشى قالامىنان 7 دراما شىقتى.

سولاردىڭ تورتەۋى تەاترلاردا ءبىراز ۋاقىت كاسسالىق تابىسپەن قويىلدى. شىعارمالارىندا ساتباەۆتىڭ مۇراسىن زەرتتەپ, كوپتەگەن ەڭبەكتەر جازدى. سەمەي پوليگونىنىڭ زاردابىن دا قارمادى. «حابار» اگەنتتىگى مارقۇمنىڭ تۋىستارى مەن جاقىندارىنا قايعىرا كوڭىل ايتادى.