قارجاۋباي نۇرىموۆ ادۆوكاتتاردان نەگە باس تارتىپ وتىر?

فوتو:Ulysmedia.kz

ادۆوكات سايدا تاۋەكەل شەرزات پولاتتىڭ ىسىندە مارقۇمنىڭ اكەسى قارجاۋباي نۇرىموۆ نە سەبەپتى وزدەرىنەن باس تارتقانىن تۇسىنبەي وتىرعانىن ايتتى, دەپ حابارلايدى qandastar.kz

 Ulysmedia.kz جازعانداي, ايتبەك امانگەلدى سوڭعى رەت قارجاۋباي نۇرىموۆتى بيىل 18 قاڭتاردا الماتىدا كورگەنىن ايتادى. ول كەزدە نۇرىموۆ قاماۋدان بوساپ شىققان. كەڭسەدە كەزدەسكەن كەزدە قارجاۋباي “وتباسىممەن وزبەكستانعا بارىپ دەمالىپ كەلەمىن” دەگەن. بۇعان ايتبەكتەر تاراپى دۇرىس قاراعان. قارجاۋباي ءوزىن بارىنشا مازالاماۋدى وتىنگەن.

ءبىز ونى اسا قاجەتتىلىك بولماسا, مازالامايىق دەدىك. بۇكىل جۇمىستى ءوز موينىمىزعا الىپ, ىسكە قاتتى كىرىسىپ كەتتىك. وسىدان كەيىن ءۇشىنشى ادامداردان تالعاردان كوشىپ كەتكەنىن بىلدىك. بايلانىسقا شىققىمىز كەلدى. سول ۋاقىتتان بەرى ول كىممەن كەزدەسىپ, نە بولعانىن, كىم ىقپال ەتكەنىن بىلمەيمىز, – دەدى ايتبەك امانگەلدى.

ادۆوكات سايدا تاۋەكەل شەرزاتتىڭ وتباسىمەن ونلاين رەجيمدە جۇمىس ىستەگەنىن ايتادى.

ءبىز وتباسىعا بارىنشا بارىنەن دەمالسا ەكەن دەپ ويلادىق. سەبەبى ونىڭ ءوزى (قارجاۋباي) ەشكىممەن كەزدەسكىسى كەلمەدى. سول سەبەپتى ءبىز ءىس ماتەريالدارىن بارىنشا زەرتتەۋمەن جۇردىك. قازىر پروتسەسسۋالدىق ءىس بارىسىندا بىرنەشە قۇجاتقا قول قويار الدىندا, ىسپەن تانىسار الدىندا قوڭىراۋ شالىپ ەدىك, ازىرگە وكىنىشكە قاراي وسىنداي اقپاراتتى ەستىدىك. ءوزىمىز تۇك تۇسىنبەي وتىرمىز. ويتكەنى ارامىزدا ەشقانداي كيكىلجىڭ جوق ەدى, – دەيدى ول.

ادۆوكات ەرتەڭ قارجاۋبايمەن كەزدەسكەلى وتىر.

مەن جالپى ارىپتەستەرىمە العىس ايتقىم كەلەدى. ولار كۇنى-ءتۇنى, دەمالىس كۇندەرى دە, تاڭعى بەسكە دەيىن جۇمىس ىستەدى. قوناەۆ قالاسىنا قايتا-قايتا باردى. مۇنىڭ ءبارى شىعىن, دەنساۋلىق, ەنەرگياعا دا. ءبىز باسقا ىستەرىمىزدىڭ ءبارىن ىسىرىپ تاستاپ ەدىك. ءبىزدىڭ باسقا دا ادۆوكاتتىق جۇمىستارىمىز بولعان. سوعان قاراماستان, بىرگە الىپ جۇردىك. ءوز جۇمىسىمىزدى ءبىزدىڭ جابىرلەنۋشى تاراپتىڭ مۇددەسى ءۇشىن بارىنشا ىستەدىك. ارى قاراي قانداي شەشىم قابىلدانادى – وز قۇقىقتارى. الايدا مىندەتتى تۇردە حابارىن بەرەمىز, – دەدى ول.

بۇعان دەيىن شەرزات ىسىندە قارجاۋباي نۇرىموۆ ادۆوكاتتارىنان باس تارتقانى بەلگىلى بولعان ەدى.

ەسكە سالايىق, بۇعان دەيىن تەرگەۋ تولىق اياقتالىپ, ءىس پروكۋرورعا جولدانعانىن حابارلاعان ەدىك.

تاراپتار قىلمىستىق ءىس ماتەريالدارىمەن تولىق تانىستى, ءىس سوتقا جىبەرۋ ءۇشىن پروكۋرورعا جولداندى.

تەرگەۋ بارىسى

تەرگەۋ بارىسىندا 40 سوت ساراپتاماسى جۇرگىزىلدى, شامامەن 200 كۋاگەردەن جاۋاپ الىندى, بارلىق كۇدىكتىلەردىڭ وقيعا ورنىندا ايتقان جاۋاپتارى تەكسەرىلدى, پروتسەسس قاتىسۋشىلارى اراسىندا بەتتەستىرۋلەر وتكىزىلدى, سونداي-اق قىلمىستىڭ بارلىق ءمان-جايىن انىقتاۋعا باعىتتالعان وزگە دە تەرگەۋ ارەكەتتەرى جۇزەگە اسىرىلدى.

قىلمىسقا قاتىسۋشىلاردىڭ بارلىعىنا قۇقىقتىق باعا بەرە وتىرىپ, 8 بەينەماتەريال زەرتتەلدى.

تالعارداعى قاندى وقيعا

بىلتىر 4 قازان كۇنى الماتى وبلىسىندا جاس جىگىتتەر جابىلىپ, 16 جاستاعى ءجاسوسپىرىم شەرزات بولاتتى ولتىرگەنى ءدۇيىم جۇرتتى ءدۇر سىلكىندىرگەن. ءبىر توپ جىگىت ءجاسوسپىرىمدى تەپكىلەپ جاتقانىن ماڭايداعى تۇرعىندار ۆيدەوعا ءتۇسىرىپ العان. بۇزاقىلار ەشكىمدى اياماپتى. 12 قازانعا قاراعان ءتۇنى مارقۇمنىڭ وتباسىنىڭ ءۇيى ورتەنىپ كەتتى. شەرزاتتىڭ تۋىستارى ءورتتى كۇدىكتى تاراپتىڭ ارەكەتىمەن بايلانىستىردى.