Qarjaýbaı Nurymovtyń otbasyna qysym kórsetken «Doktor» sotqa tartyldy

Foto:ınstagram

Qarjaýbaı Nurymovtyń otbasyna júıeli túrde qysym kórsetip, tynyshtyǵyn buzǵan azamat zań aldynda jaýap beredi. Ol áleýmettik jelilerde «Doktor» degen laqap atpen tanylǵan. Bul týraly advokat Meıirman Shekeev Instagram-daǵy paraqshasynda aıtty, dep habarlady qandastar.kz  Ulysmedia.kz-ke silteme jasap.

MÁN-JAI

Advokattyń aıtýynsha, “Doktor” laqap atymen tanylǵan azamat Qarjaýbaı Nurymovtyń otbasyn uzaq ýaqyt boıy ańdyp, túrli arandatýshylyq áreketter jasaǵan. Sot otyrysynda advokat Meıirman Shekeev birneshe naqty talap qoıdy.

– Jaýapker Ábdirahman Baýyrjandy sot sheshimi zańdy kúshine engen soń bes kún ishinde TikTok áleýmettik jelisinde Qarjaýbaı Polatulynan resmı túrde keshirim surap, teriske shyǵarýdy jáne bul keshirim vıdeosyn óz paraqshalarynda – maskarad778 jáne basqa da akkaýnttarynda keminde 30 kún boıy ashyq jarııalap qoıýǵa mindetteýdi suraımyz, – dedi advokat.

Sýdıa sotta jaýapkerden kinásin moıyndaıtynyn ne moıyndamaıtynyn naqtylaýdy suraǵanda, Ábdirahman Baýyrjan:

– Aıtqanymdy moıyndaımyn, – dep jaýap berdi.

Odan keıin sýdıa taraptardy medıaııa jolymen tatýlasýǵa bola ma dep suraǵan sátte, advokat qarsy taraptan tikeleı suraq qoıdy:

– Qarjaýbaıdyń otbasyn ne sebepti ańdyp júrsiz? – degen suraqqa jaýapker bylaı dep túsinikteme berdi:

– Qazaqstan azamaty, qazaq bolǵan soń, ol jerde bolǵan isti kórip, ashýlanyp, sonyń bárin istedim. (…) Bul – meniń azamattyq pozıııam. Men ony batyr qylýǵa jol bermeımin, – dedi ol.

Eske salaıyq, buǵan deıin Sherzat Polattyń ákesi Qarjaýbaı Nurymov sottalýshylardan túsetin moraldyq ótemaqynyń aqshasyn balalar úıine beretinin aıtqan edi.