قارجى مينيسترلىگى جاڭا وكىلەتتىكتەرگە يە بولدى

جوعارى اۋديتورلىق پالاتانىڭ ۇسىنىمى بويىنشا زاڭناماعا تۇزەتۋلەر ەنگىزىلدى.

«اكىمشىلىك قۇقىق بۇزۋشىلىق تۋرالى كودەكستە ءتيىستى نورمانىڭ بولماۋى كۆازيمەملەكەتتىك سەكتور سۋبەكتىلەرىن بۇزۋشىلىقتارى ءۇشىن اكىمشىلىك جاۋاپتىلىققا تارتۋعا مۇمكىندىك بەرمەدى. قر ۇكىمەتىنە زاڭنامالىق كولليزيالاردى جويۋ ماقساتىندا اكىمشىلىك قۇقىق بۇزۋشىلىق تۋرالى كودەكسكە وزگەرىستەر مەن تولىقتىرۋلار ەنگىزۋ ۇسىنىلدى. اتاپ ايتقاندا, قارجى مينيسترلىگىنە تاۋارلاردى, جۇمىستاردى جانە كورسەتىلەتىن قىزمەتتەردى (اقتك-ءنىڭ 207-1-بابى بويىنشا) ساتىپ الۋ كەزىندە كۆازيمەملەكەتتىك سەكتور سۋبەكتىلەرى جاساعان اكىمشىلىك قۇقىق بۇزۋشىلىق تۋرالى ىستەردى قاراۋ قۇزىرەتىن بەكىتۋ»,- دەلىنگەن اقپاراتتا.

Zakon kz حابارلاعانداي, 2025 جىلعى 10 قاڭتاردا قازاقستان رەسپۋبليكاسىنىڭ «اكىمشىلىك قۇقىق بۇزۋشىلىق تۋرالى» كودەكسىنىڭ 722-بابىنىڭ ءبىرىنشى بولىگىنە تۇزەتۋلەر ەنگىزىلدى.

«ناتيجەسىندە قارجى مينيسترلىگى كۆازيمەملەكەتتىك كومپانيالاردىڭ ساتىپ الۋلارىنداعى بۇزۋشىلىقتارعا جەدەل دەن قويىپ, ءوز تەرگەۋلەرىنىڭ قورىتىندىسى بويىنشا جاۋاپقا تارتۋعا مۇمكىندىك الدى».قر جوعارى اۋديتورلىق پالاتاسى

ساتىپ الۋ قاعيدالارىن بۇزعانى ءۇشىن اكىمشىلىك جاۋاپكەرشىلىك تاۋەكەلىن ءتۇسىنۋ كۆازيمەملەكەتتىك سەكتور سۋبەكتىلەرىن نورمالاردى مۇقيات ساقتاۋعا ىنتالاندىرىپ, جالپى ساتىپ الۋ ءتارتىبىن ارتتىرادى.

بۇعان دەيىن توقاەۆتىڭ تۇركىستان قالاسىنىڭ ەرەكشە مارتەبەسى تۋرالى زاڭعا قول قويعاندىعى حابارلانعان بولاتىن.