Qarjy jáne tólemder
Qarjy mınıstrligi jańa ókilettikterge ıe boldy
Joǵary aýdıtorlyq palatanyń usynymy boıynsha zańnamaǵa túzetýler engizildi.
«Ákimshilik quqyq buzýshylyq týraly kodekste tıisti normanyń bolmaýy kvazımemlekettik sektor sýbektilerin buzýshylyqtary úshin ákimshilik jaýaptylyqqa tartýǵa múmkindik bermedi. QR Úkimetine zańnamalyq kollızııalardy joıý maqsatynda Ákimshilik quqyq buzýshylyq týraly kodekske ózgerister men tolyqtyrýlar engizý usynyldy. Atap aıtqanda, Qarjy mınıstrligine taýarlardy, jumystardy jáne kórsetiletin qyzmetterdi (ÁQtK-niń 207-1-baby boıynsha) satyp alý kezinde kvazımemlekettik sektor sýbektileri jasaǵan ákimshilik quqyq buzýshylyq týraly isterdi qaraý quzyretin bekitý»,- delingen aqparatta.
Zakon kz habarlaǵandaı, 2025 jylǵy 10 qańtarda Qazaqstan Respýblıkasynyń «Ákimshilik quqyq buzýshylyq týraly» Kodeksiniń 722-babynyń birinshi bóligine túzetýler engizildi.
«Nátıjesinde Qarjy mınıstrligi kvazımemlekettik kompanııalardyń satyp alýlaryndaǵy buzýshylyqtarǵa jedel den qoıyp, óz tergeýleriniń qorytyndysy boıynsha jaýapqa tartýǵa múmkindik aldy».QR Joǵary aýdıtorlyq palatasy
Satyp alý qaǵıdalaryn buzǵany úshin ákimshilik jaýapkershilik táýekelin túsiný kvazımemlekettik sektor sýbektilerin normalardy muqııat saqtaýǵa yntalandyryp, jalpy satyp alý tártibin arttyrady.
«Bul rette anyqtalǵan buzýshylyqtardy taldaý Qarjy mınıstrligine júıeli problemalardy anyqtaýǵa jáne satyp alý proesterin odan ári jetildirý úshin normatıvtik-quqyqtyq bazaǵa ózgerister engizýge múmkindik beredi»,- dep qorytyndylady vedomstvo.
Buǵan deıin Toqaevtyń Túrkistan qalasynyń erekshe mártebesi týraly zańǵa qol qoıǵandyǵy habarlanǵan bolatyn.
