قارجى مونيتورينگى اگەنتتىگى الماتىنىڭ ەكس-اكىمى باۋىرجان بايبەك پەن ونىڭ وتباسىنا قاتىستى ءىستى تەرگەپ جاتقان جوق

فوتو: X/Nur Otan

ماجىلىستە قارجى مونيتورينگى اگەنتتىگى توراعاسىنىڭ ورىنباسارى جەڭىس ەلەمەسوۆ الماتى قالاسىنىڭ بۇرىنعى اكىمى باۋىرجان بايبەكتىڭ قىلمىستىق ىسكە قاتىسى بار-جوعىن ايتتى, دەپ جازدى qandastar.kz

بۇل تۋرالى Stan.kz اقپارات اگەنتتىگى حابارلايدى.

ونىڭ ايتۋىنشا, كەيبىر شەنەۋنىكتەردىڭ ارەكەتىنە قۇقىقتىق باعا بەرۋ قاجەت.

«بىزدە بايبەككە قاتىستى تىركەلگەن قىلمىستىق ءىس جوق. ونىڭ اكەسىنە قاتىستى دا ءىس جوق. ال قوسپاەۆقا قاتىستى سوت ۇكىمى شىقتى. تاركىلەنگەن بىرقاتار م ۇلىك بار. سونداي-اق جەكە قىلمىستىق ءىس بار. ونىڭ اياسىندا ءالى دە كەيبىر تۇلعالارعا قۇقىقتىق باعا بەرۋ قاجەت بولۋى مۇمكىن», – دەدى ەلەمەسوۆ.

جۋرناليستەر ەلەمەسوۆتەن قانداي تۇلعالار تەكسەرىلىپ جاتقانىن ءتۇسىندىرۋدى سۇرادى.

«قۇرىلىس كەزىندە قانداي دا ءبىر شەشىم قابىلداعان شەنەۋنىكتەر, وسى ۇيىمداسقان قىلمىستىق توپقا م ۇلىكتى جاسىرۋعا  كومەكتەسكەن باسقا دا بەلگىسىز تۇلعالار بار», – دەدى ەلەمەسوۆ.

ونىڭ ايتۋىنشا, قۇرىلىس كەزىندە بەلگىلى ءبىر شەشىم قابىلداعان شەنەۋنىكتەر تەرگەلۋى مۇمكىن.

ايتا كەتەيىك, بۇعان دەيىن باۋىرجان بايبەكتىڭ اكەسى قىدىرعالي بايبەكتىڭ ەلدوس قوسپاەۆتىڭ قىلمىستىق توپ مۇشەلەرىنەن جەڭىلدەتىلگەن باعامەن جىلجىمايتىن م ۇلىك ساتىپ العانى حابارلانعان ەدى