Qarjy monıtorıngi agenttigi Almatynyń eks-ákimi Baýyrjan Baıbek pen onyń otbasyna qatysty isti tergep jatqan joq

Foto: X/Nur Otan

Májiliste Qarjy monıtorıngi agenttigi tóraǵasynyń orynbasary Jeńis Elemesov Almaty qalasynyń burynǵy ákimi Baýyrjan Baıbektiń qylmystyq iske qatysy bar-joǵyn aıtty, dep jazdy qandastar.kz

Bul týraly Stan.kz aqparat agenttigi habarlaıdy.

Onyń aıtýynsha, keıbir sheneýnikterdiń áreketine quqyqtyq baǵa berý qajet.

«Bizde Baıbekke qatysty tirkelgen qylmystyq is joq. Onyń ákesine qatysty da is joq. Al Qospaevqa qatysty sot úkimi shyqty. Tárkilengen birqatar múlik bar. Sondaı-aq jeke qylmystyq is bar. Onyń aıasynda áli de keıbir tulǵalarǵa quqyqtyq baǵa berý qajet bolýy múmkin», – dedi Elemesov.

Jýrnalıster Elemesovten qandaı tulǵalar tekserilip jatqanyn túsindirýdi surady.

«Qurylys kezinde qandaı da bir sheshim qabyldaǵan sheneýnikter, osy uıymdasqan qylmystyq topqa múlikti jasyrýǵa  kómektesken basqa da belgisiz tulǵalar bar», – dedi Elemesov.

Onyń aıtýynsha, qurylys kezinde belgili bir sheshim qabyldaǵan sheneýnikter tergelýi múmkin.

Aıta keteıik, buǵan deıin Baýyrjan Baıbektiń ákesi Qydyrǵalı Baıbektiń Eldos Qospaevtyń qylmystyq top múshelerinen jeńildetilgen baǵamen jyljymaıtyn múlik satyp alǵany habarlanǵan edi