Qarjy sarapshysy Atyraý munaı óńdeý zaýytyn Reseıge bermeı, «ózimizge alyp qalýdyń» jolyn aıtty

Foto:Dalanews.kz

Belgili qarjy sarapshysy Atyraý munaı óńdeý zaýytynyń Reseıge satylýy múmkin ekenine qatysty pikir bildirdi, dep habarlaıdy qandastar.kz -ke silteme jasap.

Rysmambetov eger qazirden bastap jóndeý jumystaryn bastamasaq, keıin ony bıýdjet esebinen «jamaýǵa» týra keletinin aıtty.

«Bul jerde eshqandaı serpilis bolmaıdy. Jańa tehnologııalar týraly umyta tura berińiz. Men de bul jaǵdaıǵa qynjyldym. Tanys-tamyrlarmen sóılestim. Sóıtsem, bul kelisimge baılanysty negizinen zańgerler men menedjerler narazy eken. Al ınjenerler onsha shýlamaıdy. Nege?», deıdi Rasýl Rysmambetov.

Onyń sózinshe, munyń eki sebebi bar:

Birinshiden, Qazaqstanda osy salada tolyq óndiristik ıkldi túsinetin ınjenerler óte az.

«Iá, bar, biraq olar kóbine tek bar jabdyqty ustap turýmen aınalysady. Jańa tehnologııamen, jańa qurylǵymen jumys isteýdi biletinder az. Al ondaı myqty ınjenerler bolsa, olar baıaǵyda shetelge ketip qalǵan. Qazir jaqsy laýazymdarda sol jaqta jumys istep júr», deıdi qarjyger.

Ekinshiden, ınjenerler «Tatneft» jaman seriktes emes ekenin túsinip otyr.

«Eger biz AMО́Z-di «Tatnefttiń» kómegimen qalpyna keltirip, artynsha tórtinshi munaı óńdeý zaýytyn (sheteldik tehnologııamen) salýǵa kirissek – bul úlken jetistik bolar edi», deıdi Rysmambetov.

Sonymen qatar, qarjyger strategııalyq nysandardyń satylýyna qatysty pikir bildirdi.

«Strategııalyq nysandardy satqanymyz jaqsy ma? Árıne, ol durys emes. Biraq odan shyǵatyn jol bar ma? Bar. Ol – óz ınjenerlerimizdi daıarlaý. Bizde ondaǵan jyldar boıy suranys bolmaǵan mamandar kerek bop tur», deıdi maman.

Qarjygerdiń sózinshe, Qazaqstandaǵy kóptegen nysan osy kúıdi keship otyr.

«Mysaly, metallýrgter ESG baǵdarlamasy aıasynda zaýyttaryn jańartqysy kelgen. Biraq olar bul proesti memleket esebinen jáne jeńildetilgen baǵamen jasaǵysy keldi. Al shyntýaıty mynaý – bizdegi kóptegen ınfraqurylym shirip tur, kez kelgen kúni isten shyǵýy múmkin.

Keıbir JEO-larda (jylý elektr ortalyqtarynda) uzaq jyldar boıy istegen «Serik aǵa» nemese «Mıhalychtar» 78-80 jasynda zeınetke shyǵyp ketedi de – ornynda eshkim qalmaıdy, bul júıeniń qalaı jumys isteıtinin eshkim túsinbeıdi», deıdi qarjyger.

Rasýl Rysmambetovtiń sózinshe, memlekettik apparatta da dál osyndaı jaǵdaı baıqalady. Biraq ol jerde bul kózge onsha kórinbeıdi.

«Sheshimi qandaı? Sheshim – joq. Memlekettiń sapasyn baıaý, biraq turaqty túrde qalpyna keltirý.
Baıaý reformalar, óıtkeni reformalar qabyldansa, oqıǵa «qańtarmen» aıaqtalýy múmkin. Mashınany tez aıdaý úshin – úlken tájirıbe kerek. Biraq sonyń ózinde jol apatyna túsetinder bar.

Osylaı el bolamyz. Men óz boljamymdy ózgertemin: 5 jyldyq qıyn ómir emes, endi 7–10 jyl qıyn ómir dep esepteımin. Biraq alǵashqy nátıjelerdi 2–3 jyldan soń kóre bastaımyz. Jeńiske jyldam jetý múmkin emes. Bári qıyn jol arqyly keledi», dep sózin túıindedi qarjyger.