قارجىلىق مونيتورينگ اگەنتتىگى قازاقستاندىق تۋرالى اقپارات ءۇشىن سىياقى تاعايىندادى

فوتو: ۆيدەودان سكرين

قارجى مونيتورينگ اگەنتتىگى كونتراگەنتتەرگە 4 ميلليارد تەڭگەدەن استام سوماعا جالعان بۋحگالتەرلىك قۇجاتتار جازىپ بەرگەن اقتوبەلىككە ىزدەۋ جاريالادى. بۇل تۋرالى  qandastar.kz Stan.kz اقپارات اگەنتتىگىنە سىلتەمە جاساپ حابارلايدى.

ىزدەۋ جاريالانعان 38 جاستاعى رۋسلان وماروۆ اقتوبە وبلىسى, العا قالاسىنىڭ تۋماسى. ول جۇمىستاردى ناقتى ورىنداماي, قىزمەت كورسەتپەي جانە تاۋار جونەلتپەي, جالعان شوت-فاكتۋرالار جازىپ بەرگەنى ءۇشىن كۇدىككە ىلىنگەن.

2011 جىلدان 2013 جىلعا دەيىن وماروۆ «Sunkar Logistics» جشس ديرەكتورى رەتىندە ارەكەت ەتكەن. وسىلايشا كونتراگەنتتەرگە 4 ميلليارد تەڭگەدەن استام سوماعا جالعان بۋحگالتەرلىك قۇجاتتار جازىپ بەرگەن.

مەملەكەتتىك كىرىستەر ورگاندارىنىڭ قورىتىندىسى بويىنشا, تولەنبەگەن سالىق تۇرىندەگى مەملەكەتكە كەلتىرىلگەن زالالدىڭ جالپى سوماسى 1,5 ميلليارد تەڭگەدەن اسادى.

ەگەر ءسىز ىزدەستىرىلىپ جاتقان تۇلعانىڭ ورنالاسقان جەرى تۋرالى قانداي دا ءبىر اقپارات بىلسەڭىز, مىنا تەلەفون نومىرلەرىنە حابارلاسۋىڭىزدى سۇرايمىز:

+7-701-770-08-65 – ىزدەۋ بويىنشا,
+7-7292-40-36-59 – كەزەكشى ءبولىم.

وماروۆ تۋرالى اقپارات بەرگەن ازاماتتارعا سىياقى مەن انونيمدىلىككە كەپىل بەرىلەدى.

ايتا كەتەيىك, بۇعان دەيىن قارجى مونيتورينگى اگەنتتىگى قارجى پيراميداسىنىڭ باسشىسىنا حالىقارالىق ىزدەۋ جاريالاعانى تۋرالى جازعان ەدىك.