Qarjylyq saýaty bar qazaqstandyqtardyń úlesi – 40,5 paıyz

Qarjy naryǵyn retteý jáne damytý agenttigi tóraǵasynyń orynbasary Oljas Qızatov jyl saıyn qazaqstandyqtardyń qarjylyq saýattylyǵy boıynsha saýalnama júrgiziletinin málimdedi.

«Qazirgi kezde bankterde, mıkroqarjy uıymdarynda, kollektorlyq agenttikterdegi qaryz alýshylardyń sany 1 mln 600 myńnyń kóleminde. Biz endi jyl saıyn problemalyq qaryz alýshylarmen, banktermen, mıkroqarjy uıymdarymen, kollektorlyq agenttiktermen jumys istep jatyrmyz. Qazir halyqtyń qarjylyq saýattylyqty arttyrý – agenttiktiń mańyzdy baǵyttarynyń biri. Bizde jyl saıyn soıologııalyq saýalnama júrgiziledi. Sonyń qorytyndysy boıynsha qarjylyq saýattylyǵy bar halyqtyń úlesi qazirgi kezde 40,5 paıyzdy qurady. Bul bizdiń naqty kórsetkishimiz boldy, biz oǵan qol jetkizdik. Ekinshiden, 2021 jyldan 2024 jylǵa deıin agenttik óz tarapynan 550 oqytý kýrsyn ótkizip, 53 myń adam oqytýdan ótti», – dedi Oljas Qızatov.