قاشان جاستار اقشا بەرمەي جۇمىسقا تۇرا الادى – مۇعالىم مينيستردەن اشىق سۇرادى

– مەن ءوزىم اقمولا وبلىسىنا كەلىپ, وزىمە جۇمىس تاپتىم. ءوزىمدى جۇمىسپەن قامتىدىم. بىراق ىنىلەرىم, سىڭلىلەرىم بار. بىراق ولار ءبىر جەرگە جۇمىسقا تۇرۋ ءۇشىن وتىرىك ەمەس, كەمى 1 نەمەسە 2 ملن تەڭگەگە دەيىن اقشا سۇرايدى. ول كادىمگى جەمقورلىق. مەن تەك پەداگوگ ماماندىقتا دەمەيمىن, نەگىزى وڭتۇستىكتە كوپ جەمقورلىق تاراعان. بىراق سونىڭ مۇعالىم ماماندىعى بىزگە كەرەك قوي!? قاشان مەن سياقتى اقشاسىز ءوزى جۇمىسقا تۇرا الا ما? – دەپ سۇرادى مينيستردەن بويجەتكەن.

بۇل وقۋ-اعارتۋ ءمينيسترى عاني بەيسەمباەۆقا استانادا وتكەن اۋىل مەكتەپتەرىندەگى پەداگوگتەردىڭ رەسپۋبليكالىق فورۋمىندا ايتىلعان. جۋرناليستەر كەيىن بەيسەمباەۆقا وسى سۇراق جونىندە پىكىرىن ءبىلدى.

– ارىپتەسىمىزدىڭ قويعان سۇراعى قاي مەكتەپتە, قاي اۋداندا بولعانى ناقتى ايتىلعان جوق. وبلىستى بىردەن قارالاۋعا بولمايدى عوي. بۇل سۇراقتى سول سەبەپتى كوپشىلىكتىڭ الدىندا قاۋجاعانىم جوق. جالپى ول اقپاراتتىڭ سەبەبىن انىقتايمىز. اقپارات ناقتى بولسا, تەكسەرۋ قيىندىق تۋعىزبايدى دەپ ويلايمىن, – دەيدى ول.

مينيستر ءوز ۆەدومستۆوسى انتيكورمەن بىرلەسىپ, تىعىز جۇمىس اتقارىپ جاتقانىن, سونىڭ ارقاسىندا 15 ملرد تەڭگەدەن ارتىق سوما جىمقىرىلعانى انىقتالعانىن ايتادى.

جالپى قازاقستاننىڭ وڭىرلەرىندە مەكتەپتەگى جەمقورلىق جايلى بۇقارالىق اقپارات قۇرالدارىندا ءجيى جازىلىپ تۇرادى.