Qashan jastar aqsha bermeı jumysqa tura alady – muǵalim mınıstrden ashyq surady

– Men ózim Aqmola oblysyna kelip, ózime jumys taptym. О́zimdi jumyspen qamtydym. Biraq inilerim, sińlilerim bar. Biraq olar bir jerge jumysqa turý úshin ótirik emes, kemi 1 nemese 2 mln teńgege deıin aqsha suraıdy. Ol kádimgi jemqorlyq. Men tek pedagog mamandyqta demeımin, negizi ońtústikte kóp jemqorlyq taraǵan. Biraq sonyń muǵalim mamandyǵy bizge kerek qoı!? Qashan men sııaqty aqshasyz ózi jumysqa tura ala ma? – dep surady mınıstrden boıjetken.

Bul Oqý-aǵartý mınıstri Ǵanı Beısembaevqa Astanada ótken aýyl mektepterindegi pedagogterdiń respýblıkalyq forýmynda aıtylǵan. Jýrnalıster keıin Beısembaevqa osy suraq jóninde pikirin bildi.

– Áriptesimizdiń qoıǵan suraǵy qaı mektepte, qaı aýdanda bolǵany naqty aıtylǵan joq. Oblysty birden qaralaýǵa bolmaıdy ǵoı. Bul suraqty sol sebepti kópshiliktiń aldynda qaýjaǵanym joq. Jalpy ol aqparattyń sebebin anyqtaımyz. Aqparat naqty bolsa, tekserý qıyndyq týǵyzbaıdy dep oılaımyn, – deıdi ol.

Mınıstr óz vedomstvosy antıkormen birlesip, tyǵyz jumys atqaryp jatqanyn, sonyń arqasynda 15 mlrd teńgeden artyq soma jymqyrylǵany anyqtalǵanyn aıtady.

Jalpy Qazaqstannyń óńirlerinde mekteptegi jemqorlyq jaıly buqaralyq aqparat quraldarynda jıi jazylyp turady.