Kásipker Aıdyn Rahymbaev 300 balaǵa tegin ota jasatatyn boldy

Foto: facebook/rakhimbaev

BI Group holdınginiń basqarma tóraǵasy Aıdyn Rahymbaev 300 bala tegin ota jasatpaq, dep habarlaıdy Qandastar.kz saıty inbusiness.kz-ke silteme jasap. 

Kásipkerdiń aıtýynsha, shetelden 28 bilikti hırýrg Qazaqstanǵa shetelden shaqyrylyp, elimizde sırek jasalatyn 300 ota jasalady.

Joba aıasynda kópbalaly otbasynyń qyzy Arýjan alǵash ret 10 jyldan keıin óz aıaǵymen júre bastady.

Buǵan deıin tipti tósekte jata almaı, tek jartylaı otyrǵysh kúıde uıyqtaıtyn. Qymbat operaııany jasatýǵa otbasynyń shamasy jetpeıdi. Shetelden kelgen maman zamanaýı ádispen súıek ishine balamen birge ósetin arnaıy shtıft ornatty.

Qazir Arýjan aqyryndap dalada oınap júr, al bolashaqta dáriger bolýdy armandaıdy.