كاسىپكەر «قايراتتىڭ» باس باپكەرى مەن تەمىرلان اناربەكوۆكە سىيلىق تابىستادى

فوتو: اشىق دەرەككوز

«سەلتيككە» قارسى سەنساتسيالىق جەڭىستەن كەيىن Astana Motors كومپانياسىنىڭ نەگىزىن قالاۋشى نۇرلان سماعۇلوۆ فۋتبولشىلارمەن كەزدەسىپ, باس باپكەر رافاەل ۋرازباحتين مەن قاقپاشى تەمىرلان اناربەكوۆتى قۇتتىقتادى, دەپ حابارلايدى qandastar.kz turkystan.kz-كە سىلتەمە جاساپ.

تاريحي جەڭىستى ەلىمىزدەگى تانىمال بيزنەسمەندەردىڭ ءبىرى, قۇرامىنا قازاقستانداعى نyundaikz رەسمي ديستريبۋتسياسى كىرەتىن Astana Motors كومپانياسىنىڭ نەگىزىن قالاۋشى نۇرلان سماعۇلوۆ اتاپ ءوتتى.

كاسىپكەر جاتتىقتىرۋشىلار قۇرامىن جەكە قۇتتىقتاپ, باس باپكەر رافاەل ۋرازباحتينگە جاڭا Hyundai Palisade اۆتوكولىگىنىڭ كىلتىن سىيعا تارتىپ, اتالعان ءساتتىڭ سيمۆولدىق مانىنە توقتالدى.

«ءبىز ءسىزدىڭ جەڭىسىڭىزدى ماقتان تۇتامىز. بۇل تەك «قايرات» ءۇشىن عانا ەمەس, بۇكىل قازاقستان فۋتبولى ءۇشىن زور قادام. شىن جۇرەكتەن سىزگە جاڭا تابىستار تىلەيمىز جانە كوماندانى قولداۋعا ارقاشان دايىنبىز. «قايرات» ەۋروپانى تاڭ قالدىرا الادى دەپ سەنەمىز. سىزدەردى الدا الماتىدا وتەتىن اتى اڭىزعا اينالعان مادريدتىك «رەالمەن» ماتچ كۇتىپ تۇر. بۇل الەمدىك دەڭگەيدەگى وقيعا, ءبىز سىزگە جانكۇيەر بولامىز. سىزدەر قازاقستان فۋتبولىن دامىتىپ جاتىرسىزدار, ال ءبىز قازاقستاندىق اۆتوونەركاسىپتى دامىتىپ جاتىرمىز. ءبىز بىرگە ەلىمىزدىڭ يگىلىگى ءۇشىن ەڭبەك ەتۋدەمىز. اتالعان كولىك جانە بارلىق Hyundai مودەلدەرى الماتىداعى ءبىزدىڭ نyundai.trans.kz زاۋىتىندا شىعارىلادى. الماتىلىق فۋتبول كلۋبىنا ارنالعان الماتىلىق كولىك», — دەدى نۇرلان سماعۇلوۆ.

«قايرات» فۋتبول كلۋبى مەن قازاقستان قۇراماسىنىڭ قاقپاشىسى تەمىرلان اناربەكوۆ تە نازاردان تىس قالعان جوق. نۇرلان سماعۇلوۆ وعان Apple Macbook تابىستاپ, جاس فۋتبولشىنى الداعى بەلەستەرگە جەڭىسپەن شىعۋعا تىلەكتەستىگىن ءبىلدىردى.