جاڭالىقتار
كاسىپكەر مەملەكەتتەن بولىنگەن 300 ملن تەڭگە سۋبسيديانى كازينوعا جۇمساعان
جەتىسۋدا سۇتكە بولىنگەن 300 ملن تەڭگە كازينوعا كەتكەن جەتىسۋ وبلىسىندا اۋىل شارۋاشىلىعىنا بولىنگەن 300 ملن تەڭگە سۋبسيديا جىمقىرىلدى, دەپ حابارلايدى Qandastar.kz
بۇل تۋرالى قارجى مونيتورينگى اگەنتتىگى حابارلادى.تەرگەۋ دەرەگىنشە, كۇدىكتى – ءبىر جشس-ءنىڭ باسشىسى. ول ەكى جىل بويى جالعان قۇجاتتار ارقىلى مەملەكەتتەن ءسۇت ونىمدەرىن وڭدەۋگە بولىنگەن سۋبسيديانى الىپ وتىرعان. اۋىل شارۋاشىلىعى باسقارماسىنا شيكى ءسۇتتى جەكە كاسىپكەرلەردەن ساتىپ العانى تۋرالى جالعان ەسەپ تاپسىرعان. سارى ماي وندىرگەنى جونىندە دە وتىرىك مالىمەت بەرگەن.
ءسۇت اقشاسى – كازينوعا الىنعان قارجىنىڭ ءبىر بولىگى – 110 ملن تەڭگە – ەل يگىلىگىنە ەمەس, قۇمار ويىنعا جۇمسالعان. كۇدىكتى بۇل اقشانى كازينوعا سالىپ جىبەرگەن. زاۆودقا تىيىم سالىندى سوت سانكتسياسىمەن كۇدىكتىنىڭ 300 ملن تەڭگەدەن اساتىن زاۋىتىنا تىيىم سالىندى. قازىر ول ۇيقاماققا الىنعان. بۇل ءىس اۋىل شارۋاشىلىعىنا ارنالعان قارجىنىڭ قالاي تالان-تاراجعا تۇسكەنىن ايقىن كورسەتىپ وتىر.
