Kásipker memleketten bólingen 300 mln teńge sýbsıdııany kazınoǵa jumsaǵan

Jetisýda sútke bólingen 300 mln teńge kazınoǵa ketken Jetisý oblysynda aýyl sharýashylyǵyna bólingen 300 mln teńge sýbsıdııa jymqyryldy, dep habarlaıdy Qandastar.kz

Bul týraly Qarjy monıtorıngi agenttigi habarlady.Tergeý dereginshe, kúdikti – bir JShS-niń basshysy. Ol eki jyl boıy jalǵan qujattar arqyly memleketten sút ónimderin óńdeýge bólingen sýbsıdııany alyp otyrǵan. Aýyl sharýashylyǵy basqarmasyna shıki sútti jeke kásipkerlerden satyp alǵany týraly jalǵan esep tapsyrǵan. Sary maı óndirgeni jóninde de ótirik málimet bergen.

Sút aqshasy – kazınoǵa Alynǵan qarjynyń bir bóligi – 110 mln teńge – el ıgiligine emes, qumar oıynǵa jumsalǵan. Kúdikti bul aqshany kazınoǵa salyp jibergen. Zavodqa tyıym salyndy Sot sankııasymen kúdiktiniń 300 mln teńgeden asatyn zaýytyna tyıym salyndy. Qazir ol úıqamaqqa alynǵan. Bul is aýyl sharýashylyǵyna arnalǵan qarjynyń qalaı talan-tarajǵa túskenin aıqyn kórsetip otyr.