جاڭالىقتار
كاسىپكەر نىعماتۋلليندەر بيزنەسىن تارتىپ العانىن ايتتى
فوتو: اشىق دەرەككوز
كاسىپكەر قانات امىركين ءىرى كوپ ميلليوندىق كەلىسىمشارتى بار جول-قۇرىلىس كومپانياسىن رەيدەرلىك جولمەن تارتىپ العان وقيعانى ايتىپ بەردى, دەپ حابارلايدى qandastar.kz
«كوپشىلىگىڭىز نىعماتۋليندەر وتباسىن بىلەسىزدەر. وسى وتباسىنىڭ ۇلكەن ۇلى مەنىڭ ءىرى كوپميلليوندىق كەلىسىمشارتى بار جول-قۇرىلىس كومپانيامدى تارتىپ الدى. ول مەنى ولاردىڭ بانكىنەن – Qazaq Banki-دەن نەسيە الۋعا ءماجبۇر ەتتى. كەيىن بۇل بانك بانكروتقا ۇشىراپ, مەنىڭ اقشامدى, سونداي-اق كەپىلدە تۇرعان م ۇلىكتەرىمدى تارتىپ الدى. ونىڭ ىشىندە اۆتوسالون سالۋعا ارنالعان ۆواد-تاعى جەر ۋچاسكەسى دە بار. سونىمەن قاتار, ولار مەنى بانك كەپىلدىگى ارقىلى الداپ سوقتى», – دەپ جازدى قانات امىركين ءوزىنىڭ Facebook پاراقشاسىندا.
Alash.kz حابارلاعانداي, نەسيە راسىمدەگەنىمەن, وقيعا مۇنىمەن اياقتالماعان. ولار ودان قولما-قول اقشا تالاپ ەتكەن. كاسىپكەرگە وتباسىنا قاۋىپ ءتونىپ, قازاقستاننان كەتۋگە ءماجبۇر بولعان.
«سالىق ورگانى ءماجبۇرلى تۇردە سالىق قارىزىن وندىرۋگە تىرىسقاندا, مەن وعان قوڭىراۋ شالدىم. بۇل تىم ارتىق ەكەنىن ايتىپ, سالىقتى وزدەرى تولەۋدى ۇسىندىم, ويتكەنى ولار ءبارىن تارتىپ العان ەدى. ول قىسقا عانا جاۋاپ قايتاردى: «ماعان ءبارىبىر, مەن ەندى قازاقستان ازاماتى ەمەسپىن. ماسەلەڭدى ءوزىڭ شەش». وسىنداي دارەجەدەگى تسينيزم مەن جاۋاپسىزدىققا يە ادامدار… بۇلار قالاي بيلىككە كەلگەن?» – دەپ اڭگىمەلەدى كاسىپكەر.
كەيىن امىركين قازاقستانعا ورالعان. الايدا 25 جەلتوقساندا سوت ونىڭ 239 ملن تەڭگە سالىق جانە 7 ملن تەڭگە باج سالىعىن تولەۋگە مىندەتتەلگەنى تۋرالى شەشىم شىعاردى.
