Kásipker Nyǵmatýllınder bıznesin tartyp alǵanyn aıtty

Foto: ashyq derekkóz

Kásipker Qanat Ámirkın iri kóp mıllıondyq kelisimsharty bar jol-qurylys kompanııasyn reıderlik jolmen tartyp alǵan oqıǵany aıtyp berdi, dep habarlaıdy qandastar.kz

«Kópshiligińiz Nyǵmatýlınder otbasyn bilesizder. Osy otbasynyń úlken uly meniń iri kópmıllıondyq kelisimsharty bar jol-qurylys kompanııamdy tartyp aldy. Ol meni olardyń bankinen – Qazaq Banki-den nesıe alýǵa májbúr etti. Keıin bul bank bankrotqa ushyrap, meniń aqshamdy, sondaı-aq kepilde turǵan múlikterimdi tartyp aldy. Onyń ishinde avtosalon salýǵa arnalǵan VOAD-taǵy jer ýchaskesi de bar. Sonymen qatar, olar meni bank kepildigi arqyly aldap soqty», – dep jazdy Qanat Ámirkın óziniń Facebook paraqshasynda.

Alash.kz habarlaǵandaı,  nesıe rásimdegenimen, oqıǵa munymen aıaqtalmaǵan. Olar odan qolma-qol aqsha talap etken. Kásipkerge otbasyna qaýip tónip, Qazaqstannan ketýge májbúr bolǵan.

«Salyq organy májbúrli túrde salyq qaryzyn óndirýge tyrysqanda, men oǵan qońyraý shaldym. Bul tym artyq ekenin aıtyp, salyqty ózderi tóleýdi usyndym, óıtkeni olar bárin tartyp alǵan edi. Ol qysqa ǵana jaýap qaıtardy: «Maǵan báribir, men endi Qazaqstan azamaty emespin. Máseleńdi óziń shesh». Osyndaı dárejedegi ınızm men jaýapsyzdyqqa ıe adamdar… Bular qalaı bılikke kelgen?» – dep áńgimeledi kásipker.

Keıin Ámirkın Qazaqstanǵa oralǵan. Alaıda 25 jeltoqsanda sot onyń 239 mln teńge salyq jáne 7 mln teńge baj salyǵyn tóleýge mindettelgeni týraly sheshim shyǵardy.