Kásipkerler áleýmettik-mádenı nysandar salýǵa qomaqty qarajat bólýge mindetti

Foto: ashyq derekkóz

Jomart jandardyń esimi «altyn tizimge» engiziledi. Bas tartqandarmen áńgime basqasha bolady, – dep habarlaıdy qandastar.kz

«Tıisti reestrge engizilgen kásipkerlermen kelisim jasaǵan kezde memleketke qaıtarylatyn aktıvterdi «zańsyz» dep tanymaý týraly normany bekitýge bolady. Bul – shyn máninde, iri kásip ıeleriniń múddesine saı keletin mańyzdy qadam. Biraq kásipkerler de qarjyny respýblıkalyq bıýdjetke aýdarý máselesine kelgende Úkimetpen jáne Bas Prokýratýramen tyǵyz baılanysta jumys isteýge tıis. Bul – ár teńge úshin saýdalaspaı, qajetti sharanyń bárin óz erkimen jasaý kerek degen sóz. Olar osy eldiń azamaty retinde mektep, aýrýhana, stadıon, mýzeı jáne basqa da áleýmettik-mádenı nysandar salýǵa qomaqty qarjy bólýge mindetti. Mundaı kásipkerlerdiń esimi jomart jandardyń «altyn tizimine» jazylady. Al odan bas tartqan nemese sózbuıdaǵa salǵan kásipkerlerge qatysty áńgime basqasha bolady», – dedi Toqaev.