جاڭالىقتار
كاسىپكەرلەر ارزان نەسيەلەر ءۇشىن بازالىق مولشەرلەمەنى تومەندەتۋدى ۇسىندى
فوتو: istockphoto.com
كاسىپكەرلەر ارزان نەسيەلەر ءۇشىن بازالىق مولشەرلەمەنى تومەندەتۋدى ۇسىندى, – دەپ حابارلايدى qandastar.kz سايتى inbusiness.kz-كە سىلتەمە جاساپ
الماتى وبلىسىندا سالىق زاڭناماسىنا ەنگىزىلگەن وزگەرىستەردى ءتۇسىندىرۋ بويىنشا كەڭەسكە ۇلتتىق ەكونوميكا ۆيتسە-ءمينيسترى باۋىرجان قۇدايبەرگەنوۆ پەن قارجى مينيسترلىگى مەملەكەتتىك كىرىستەر كوميتەتى سالىق جانە كەدەن ساياساتى دەپارتامەنتى ديرەكتورىنىڭ ورىنباسارى نۇرلىبەك شايماحانوۆ قاتىستى.
الماتى وبلىسى كاسىپكەرلەر پالاتاسى جانىنداعى ساۋدا جانە قىزمەت كورسەتۋدىڭ سالالىق كەڭەسى توراعاسى اسەت تالعاتبەك ارزان نەسيەلەر ءۇشىن بازالىق مولشەرلەمەنى تومەندەتۋدى جانە سالىق تولەۋ جۇيەسىن جەڭىلدەتۋدى ۇسىندى
Bilim Invest ۇلتتىق ءبىلىم بەرۋ ينۆەستورلارى قاۋىمداستىعىنىڭ ۆيتسە-پرەزيدەنتى كۇلاندا باتىربەكوۆا رەفورمالاردى جۇرگىزۋ كەزىندە ءبىلىم سالاسىنا قولداۋ كورسەتۋ قاجەتتىگىنە توقتالدى. اتاپ ايتقاندا, وڭىرلەردىڭ ءبىلىم بەرۋ سالاسىن دامىتۋ كارتاسىن ازىرلەۋدى ۇسىندى.
«اۋىلدارداعى ءبىلىم بەرۋ ۇيىمدارىنىڭ دامۋىن باقىلاۋ قاجەت. ول ءۇشىن جەكەمەنشىك ءبىلىم بەرۋ مەكەمەلەرىن سارالاۋ كەرەك. جەكە عيماراتى بار مەكتەپتەر مەن بالاباقشالار بار, ءۇي-جايدى جالعا الاتىندار بار. 50-75 بالاعا ارنالعان, 100-200 بالاعا ەسەپتەلگەن تاربيە جانە ءبىلىم بەرۋ مەكەمەلەرى بار», – دەپ ءتۇسىندىردى كۇلاندا باتىربەكوۆا.
سونداي-اق سپيكەر سالىقتى كوتەرۋمەن قاتار, بيۋدجەت شىعىستارىنىڭ قۇرىلىمىنا سىن كوزبەن قاراۋدىڭ ماڭىزدى ەكەنىنە توقتالدى. قاتاڭ بيۋدجەتتىك ەرەجەلەردىڭ ساقتالۋىن باقىلاۋدى كۇشەيتۋ قاجەت.
قورىتىندىلاي كەلە, كەڭەسكە قاتىسۋشىلار سالىق ساياساتىنداعى وڭتايلى شەشىمدەردى ىزدەۋ ءۇشىن مەملەكەت پەن بيزنەس اراسىنداعى سىندارلى ديالوگتىڭ ماڭىزدىلىعىن اتاپ ءوتتى.
