Kásipkerler arzan nesıeler úshin bazalyq mólsherlemeni tómendetýdi usyndy

Foto: istockphoto.com

Kásipkerler arzan nesıeler úshin bazalyq mólsherlemeni tómendetýdi usyndy, – dep habarlaıdy qandastar.kz saıty inbusiness.kz-ke silteme jasap

Almaty oblysynda salyq zańnamasyna engizilgen ózgeristerdi túsindirý boıynsha keńeske Ulttyq ekonomıka vıe-mınıstri Baýyrjan Qudaıbergenov pen Qarjy mınıstrligi Memlekettik kirister komıteti Salyq jáne keden saıasaty departamenti dırektorynyń orynbasary Nurlybek Shaımahanov qatysty.

Almaty oblysy Kásipkerler palatasy janyndaǵy Saýda jáne qyzmet kórsetýdiń salalyq keńesi tóraǵasy Áset Talǵatbek arzan nesıeler úshin bazalyq mólsherlemeni tómendetýdi jáne salyq tóleý júıesin jeńildetýdi usyndy

Bilim Invest ulttyq bilim berý ınvestorlary qaýymdastyǵynyń vıe-prezıdenti Kúlánda Batyrbekova reformalardy júrgizý kezinde bilim salasyna qoldaý kórsetý qajettigine toqtaldy. Atap aıtqanda, óńirlerdiń bilim berý salasyn damytý kartasyn ázirleýdi usyndy.

«Aýyldardaǵy bilim berý uıymdarynyń damýyn baqylaý qajet. Ol úshin jekemenshik bilim berý mekemelerin saralaý kerek. Jeke ǵımaraty bar mektepter men balabaqshalar bar, úı-jaıdy jalǵa alatyndar bar. 50-75 balaǵa arnalǵan, 100-200 balaǵa eseptelgen tárbıe jáne bilim berý mekemeleri bar», – dep túsindirdi Kúlánda Batyrbekova.

Sondaı-aq  spıker salyqty kóterýmen qatar, bıýdjet shyǵystarynyń qurylymyna syn kózben qaraýdyń mańyzdy ekenine toqtaldy. Qatań bıýdjettik erejelerdiń saqtalýyn baqylaýdy kúsheıtý qajet.

Qorytyndylaı kele, keńeske qatysýshylar salyq saıasatyndaǵy ońtaıly sheshimderdi izdeý úshin memleket pen bıznes arasyndaǵy syndarly dıalogtiń mańyzdylyǵyn atap ótti.