كاسىپورىن باسشىلىعى مەملەكەتتىك كولىكتەردى ساتىپ جىبەرگەن

فوتو: aikyn.kz

جامبىل وبلىسىندا «تازا-تالاس» كاسىپورنىنىڭ ديرەكتورى مەن ونىڭ ورىنباسارى ءومىر بويىنا مەملەكەتتىك قىزمەتتە جۇمىس ىستەۋگە تىيىم سالىنىپ, 7 جىلعا سوتتالدى, دەپ حابارلايدى El.kz aقپارات اگەنتتىگى.

بۇل تۋرالى وبلىستىق پروكۋراتۋرانىڭ ءباسپاسوز قىزمەتى مالىمدەدى.

تالاس اۋداندىق پروكۋراتۋراسى «تازا-تالاس» شجق مكك تەڭگەرىمىندەگى كولىكتەردى ۇرلاۋ سحەماسىن انىقتادى. كاسىپورىن باسشىلىعى جالعان قۇجات نەگىزىندە 4 اۆتوكولىكتى ساتۋعا شىعارماي ءۇشىنشى تۇلعالارعا ساتىپ جىبەرگەن, – دەلىنگەن حابارلامادا.

مەملەكەتكە كەلتىرىلگەن شىعىننىڭ جالپى سوماسى 22 ميلليون تەڭگەنى قۇرادى.

ءىس اياسىندا قاداعالاۋ ورگانى 10 ميلليون تەڭگە كولەمىندەگى 2 كولىكتى قايتارىپ, 7 ميلليون تەڭگە ءوندىرىپ العانى حابارلاندى.

تالاس اۋداندىق سوتىنىڭ 2024 جىلدىڭ 13 ماۋسىمىنداعى ۇكىمىمەن «تازا-تالاس» كاسىپورنىنىڭ ديرەكتورى مەن ونىڭ ورىنباسارى ءومىر بويىنا مەملەكەتتىك قىزمەتتە جۇمىس ىستەۋگە تىيىم سالىنىپ, 7 جىل مەرزىمگە باس بوستاندىعىنان ايىرىلدى, – دەلىنگەن ۆەدومستۆو حابارلاماسىندا.