Kásiporyn basshylyǵy memlekettik kólikterdi satyp jibergen

Foto: aikyn.kz

Jambyl oblysynda «Taza-Talas» kásipornynyń dırektory men onyń orynbasary ómir boıyna memlekettik qyzmette jumys isteýge tyıym salynyp, 7 jylǵa sottaldy, dep habarlaıdy El.kz aqparat agenttigi.

Bul týraly oblystyq prokýratýranyń baspasóz qyzmeti málimdedi.

Talas aýdandyq prokýratýrasy «Taza-Talas» ShJQ MKK teńgerimindegi kólikterdi urlaý shemasyn anyqtady. Kásiporyn basshylyǵy jalǵan qujat negizinde 4 avtokólikti satýǵa shyǵarmaı úshinshi tulǵalarǵa satyp jibergen, — delingen habarlamada.

Memleketke keltirilgen shyǵynnyń jalpy somasy 22 mıllıon teńgeni qurady.

Is aıasynda qadaǵalaý organy 10 mıllıon teńge kólemindegi 2 kólikti qaıtaryp, 7 mıllıon teńge óndirip alǵany habarlandy.

Talas aýdandyq sotynyń 2024 jyldyń 13 maýsymyndaǵy úkimimen «Taza-Talas» kásipornynyń dırektory men onyń orynbasary ómir boıyna memlekettik qyzmette jumys isteýge tyıym salynyp, 7 jyl merzimge bas bostandyǵynan aıyryldy, — delingen vedomstvo habarlamasynda.