جاڭالىقتار
«Kaspi Travel ارقىلى تۋر العان…»: قازاقستاندىق تۇركيادا دەمالامىن دەپ توسىن جاعدايعا تاپ بولدى
فوتو: @taldykorganec.insta
قازاقستان ازاماتى تۇركياعا ساياحاتتاۋعا بارىپ, وكىنىپ قالدى, دەپ جازادى Qandastar.kz.
ول جەلىدە تۇركياداعى «5 جۇلدىزدى» دەپ جارنامالانعان قوناق ۇيگە كوڭىلى تولماعانىن جازعان.
«Kaspi 24 ايعا ءبولىپ تولەۋ مۇمكىندىگىن ۇسىنىپ, حالىققا ۇلكەن جەڭىلدىك جاساپ وتىر. الايدا Kaspi Travel پلاتفورماسىنداعى قوناق ۇيلەر تۋرالى اقپارات ءالى دە جەتىلدىرۋدى قاجەت سياقتى. بۇعان دەيىن تۇركيادا دەمالىپ كورمەگەن ەدىك, سوندىقتان «5 جۇلدىز» دەگەن اتاۋعا سەنىپ قالدىق. بىراق تۇركيادا ول ۇعىمنىڭ دا ءارتۇرلى تۇسىندىرمەسى بارىن ءوز باسىمىزدان وتكەردىك. سوندىقتان جولداما الاردا مىندەتتى تۇردە تۋروپەراتورلارمەن كەڭەسكەن ءجون ەكەنىن تۇسىندىك. قوناق ۇيگە جەتكەندە بولمەنىڭ كۇيىن كورىپ, جاعامىزدى ۇستادىق. سودان كەيىن قوناق ءۇي اۋماعىنىڭ دا كۇتىمسىز ەكەنىن اڭعاردىق. ال اسحاناسى تىپتەن كوڭىلىمىزدەن شىقپادى. 3 كۇن بويى كوڭىلسىز كۇيدە دەمالىسىمىزدى وتكىزدىك. قىسقا عانا جازىپ وتىرمىز, تولىق ۆيدەوسىن كەيىن جۇكتەيمىز – مىندەتتى تۇردە قاراپ شىعىڭىزدار, وسىنداي قاتەلىككە جول بەرمەڭىزدەر!» – دەپ جازدى ول.
