«كاسپي» بيرجاسى قازاقستاندى EUROPEX باس اسسامبلەياسىندا تانىستىردى

فوتو: اشىق دەرەككوز

18-20 ماۋسىم ارالىعىندا «كاسپي» تاۋار بيرجاسى» اق دەلەگاتسياسى نورۆەگيا استاناسى   وسلودا وتكەن ەۋروپالىق ەنەرگەتيكالىق بيرجالار قاۋىمداستىعى (Europex) باس اسسامبلەياسىنا قاتىستى, دەپ جازدى qandastar.kz

ءىس-شارا ءبىر الاڭدا EUROPEX مۇشەلەرى – 33 ەۋروپالىق بيرجا باسشىلارىن, ەۋروپالىق رەتتەۋشىلەردىڭ, ەۋروپالىق كوميسسياسىنىڭ وكىلدەرىن, ەنەرگەتيكا, كليمات جانە بيرجالىق ينفراقۇرىلىم سالاسىنداعى تالداۋشىلار مەن ساراپشىلاردى بىرىكتىردى.

اسسامبلەيا بارىسىندا قاۋىمداستىق توراعاسىن, ديرەكتورلار كەڭەسىنىڭ مۇشەلەرىن جانە ەلەكتر ەنەرگياسى, گاز, ەكولوگيالىق جانە قارجى نارىقتارى بويىنشا بەيىندى جۇمىس توپتارىنىڭ باسشىلارىن سايلاۋ ءوتتى. سونداي-اق نارىقتى ينتەگراتسيالاۋ, تسيفرلىق ترانسفورماتسيا جانە كيبەرقاۋىپسىزدىك باستامالارى تالقىلاندى.

اسسامبلەيانىڭ پلەنارلىق وتىرىسىندا «كاسپي» بيرجاسىنىڭ پرەزيدەنتى مۇرات قاديسوۆ قازاقستان رەسپۋبليكاسىنداعى بيرجالىق ساۋدا تاجىريبەسىن, سونداي-اق «كاسپي» جانە EUROPEX بيرجالارىنىڭ ۇزاق مەرزىمدى ىنتىماقتاستىق ستراتەگياسىن ۇسىندى. قازىرگى ۋاقىتتا «كاسپي» تاۋار بيرجاسى 2024 جىلدان باستاپ ورتالىق ازيا ەلدەرىنەن               EUROPEX-ءتىڭ العاشقى قاۋىمداستىرىلعان مۇشەسى بولىپ تابىلادى. بۇل قازاقستاننىڭ دەكاربونيزاتسيا, ەنەرگەتيكالىق جانە تاۋار نارىقتارىن دامىتۋ, تسيفرلاندىرۋ جانە ESG ماسەلەلەرى بويىنشا حالىقارالىق ديالوگتىڭ بەلسەندى قاتىسۋشىسى رەتىندەگى ءرولى جوعارى باعالاناتىنىن كورسەتەدى.

«EUROPEX ءوزىن ەۋروپانىڭ ەنەرگەتيكالىق بيرجالارى مەن ينفراقۇرىلىمدىق ۇيىمدارىن بىرىكتىرەتىن, تۇراقتى دامۋدى قامتاماسىز ەتۋ ءۇشىن نەگىزگى ماسەلەلەر بويىنشا ءبىرتۇتاس ۇستانىمدى قالىپتاستىراتىن قۋاتتى پلاتفورما رەتىندە كورسەتتى. قازاقستان ءۇشىن اسسامبلەياعا قاتىسۋ – بۇل ءوز تاجىريبەسىن ۇسىنىپ قانا قويماي, ەۋروپالىق سالا كوشباسشىلارىمەن ستراتەگيالىق ارىپتەستىك قۇرۋ مۇمكىندىگى. «كاسپي» بيرجاسى قازاقستان رەسپۋبليكاسى جانە ەۋروپانىڭ بيرجالىق ينفراقۇرىلىمى مەن رەتتەۋشى ورگاندارىنىڭ وكىلدەرى اراسىنداعى ديالوگ ءۇشىن جاعداي جاساۋعا نيەتتى», — دەپ اتاپ ءوتتى «كاسپي» تاۋار بيرجاسى» اق پرەزيدەنتى مۇرات قاديسوۆ.

ءوزارا ءىس-قيمىلدىڭ بۇل فورماتى قازاقستان ءۇشىن ستراتەگيالىق پەرسپەكتيۆالاردىڭ تۇتاس سپەكترىن اشادى. بۇل, ەڭ الدىمەن, ترانسشەكارالىق CO₂ كۆوتا ساۋداسىن قۇراتىن ەۋروپالىق سەرىكتەستەرمەن تاجىريبە الماسۋ ارقىلى ۇلتتىق كومىرتەگى نارىعىن نىعايتۋ.

سەرىكتەستىكتىڭ نەگىزگى باعىتتارىنىڭ ءبىرى تسيفرلىق جانە كليرينگتىك شەشىمدەردى قوسا العاندا, تاۋار بيرجالارىنىڭ ينفراقۇرىلىمىن دامىتۋدا, سونداي-اق امبەباپ نورماتيۆتىك-قۇقىقتىق بازالىق كەلىسىمشارتتىق ستاندارتتاردى قالىپتاستىرۋدا ەلەۋلى الەۋەت بولىپ تابىلادى – بۇل اسىرەسە ورتالىق ازيادا وڭىرلىك تاۋار-شيكىزات نارىعىن قۇرۋ ءۇشىن وزەكتى.

بۇدان باسقا, قازاقستاننىڭ سالالىق ەرەجەلەر ايقىندالاتىن دەڭگەيدە بولۋى ەۋروپالىق ينۆەستورلار مەن سەرىكتەستەر تاراپىنان سەنىمدى نىعايتۋعا ىقپال ەتەدى, سونداي-اق ءوزارا ءىس-قيمىلدىڭ قوسىمشا ديپلوماتيالىق جانە ينستيتۋتسيونالدىق ارنالارىن جاسايدى.

اسسامبلەيامەن بىرگە جۇرەتىن ديپلوماتتار مەن ساراپشىلاردىڭ ساپارلارى قازاقستان رەسپۋبليكاسى مەن نورۆەگيا كورولدىگى اراسىنداعى مەملەكەتارالىق ىنتىماقتاستىقتى كەڭەيتۋدى قوسا العاندا, ەۋروپالىق بيرجالارمەن جانە رەتتەۋشى ورگاندارمەن ەكىجاقتى كەلىسىمدەر جاساسۋ ءۇشىن بەرىك نەگىز قۇردى.

مۇنىڭ ءبارى قازاقستان رەسپۋبليكاسى پرەزيدەنتىنىڭ كومىرتەگى جانە تاۋار نارىقتارىن دامىتۋ, قازىرگى زامانعى نارىقتىق ينستيتۋتتاردى قۇرۋ جانە ەلدى ورنىقتى ەكونوميكالىق ءوسۋ مەن ينتەگراتسيانىڭ وڭىرلىك ورتالىعى رەتىندە ىلگەرىلەتۋ جونىندەگى باسىمدىقتارىنا تىكەلەي سايكەس كەلەدى.

«كاسپي» تاۋار بيرجاسى» اق – مۇناي ونىمدەرىن, كومىر مەن تسەمەنتتى قوسا العاندا, تاۋارلاردىڭ كەڭ سپەكترىمەن ساۋدا جاساۋعا ماماندانعان قازاقستاننىڭ جەتەكشى بيرجالىق الاڭى. «كاسپي» تاۋار بيرجاسى» اق ەنەرگەتيكالىق بيرجالاردىڭ ەۋروپالىق قاۋىمداستىعىنا (EUROPEX) قاۋىمداستىرىلعان مۇشە رەتىندە كىرەدى. S&P Global حالىقارالىق رەيتينگ اگەنتتىگىنىڭ ەڭ جوعارى ESG-باعاسىنا يە.

بۇۇ جاھاندىق شارتىنىڭ تولىققاندى قاتىسۋشىسى بولعان تمد اۋماعىنداعى العاشقى بيرجالىق الاڭ. سونداي-اق, «كاسپي» KASE قازاقستان قور بيرجاسىنىڭ رەسمي ليستينگىنە ەنگىزىلگەن ەلدەگى جالعىز تاۋار بيرجاسى.