«Kaspıı» bırjasynda bıtým saýdasy  23 mamyrda bastalady

Foto: «Kaspıı»

«Kaspıı» bırjasynda bıtým saýdasy    23 mamyrda bastalady, dep jazdy qandastar.kz

«Kaspıı» taýar bırjasy» AQ BND 70/100 markaly munaı jol bıtýmynyń uıymdastyrylǵan bırjalyq saýdasy bastalǵany týraly habarlaıdy. Alǵashqy saýda 2025 jyldyń 23 mamyrynda ótedi.

Sondaı-aq, saýda 2025 jylǵy 26, 27, 28, 29 mamyrda Astana q.ýaqyty boıynsha 09:00-den 10:00-ge deıin ótedi. Saýda sessııasy qosarlanǵan qarsy aýkıon rejıminde ótedi.

Bıtým — bul jol qurylysynda, aerodromdarda jáne gıdrooqshaýlaý jumystarynda keńinen qoldanylatyn tutqyrlyǵy joǵary munaı ónimi. BND 100/130 markasy temperatýranyń ózgerýine jáne mehanıkalyq júktemelerge jaqsy tózimdiligimen erekshelenedi, bul ony Qazaqstannyń jol salasynda qoldaný úshin ońtaıly etedi.

Saýdaǵa qatysý úshin klırıngtik ortalyqqa mámileniń boljamdy somasynyń 15% mólsherinde kepildik qamtamasyz etýdi engizý qajet. Saýda sessııasy barysynda qalyptasatyn munaı ónimi baǵasynyń eń joǵary deńgeıi bazalyq baǵanyń 101 paıyzynan aspaýy tıis.

Murat Qadısov, «Kaspıı» taýar bırjasy» AQ prezıdenti:

«Bıtým — bul eldiń ınfraqurylymdyq damýy úshin strategııalyq materıal. Bırjalyq saýda arqyly biz naryq qatysýshylaryna ony ádil baǵamen, ashyq erejelermen jáne deldaldarsyz satyp alýǵa múmkindik beremiz. Bizdiń maqsatymyz — naryqty qalyptastyrý ǵana emes, ony qurylysshylardan bastap memlekettik tapsyrys berýshilerge deıin barlyǵyna tıimdi etý».

«Kaspıı» taýar bırjasy» AQ – munaı ónimderin, kómirdi jáne ementti qosa alǵanda, taýarlardyń keń spektrimen saýda jasaýǵa mamandanǵan Qazaqstannyń jetekshi bırjalyq alańy. «Kaspıı» taýar bırjasy» AQ Energetıkalyq bırjalardyń eýropalyq qaýymdastyǵyna (EUROPEX) qaýymdastyrylǵan múshe retinde kiredi. S&P Global halyqaralyq reıtıng agenttiginiń eń joǵary ESG-baǵasyna ıe.

BUU Jahandyq shartynyń tolyqqandy qatysýshysy bolǵan TMD aýmaǵyndaǵy alǵashqy bırjalyq alań sanalady. Sondaı-aq, «Kaspıı» – KASE Qazaqstan qor bırjasynyń resmı lıstıngine engizilgen eldegi jalǵyz taýar bırjasy.