«Kaspıı» bırjasynyń delegaııasy HBQ-nyń mereıtoılyq jyl saıynǵy jınalysyna qatysty

Foto: jeke qorynan

9-12 maýsym aralyǵynda Mınskide Halyqaralyq bırjalar qaýymdastyǵynyń (HBQ) 25 jyldyǵyna jáne Belarýs ámbebap taýar bırjasynyń 20 jyldyǵyna arnalǵan is-sharalar baǵdarlamasy ótti. Saltanatty shara jáne iskerlik kún tártibine «Kaspıı» taýar bırjasy» AQ delegaııasy qatysty, dep jazdy qandastar.kz

HBQ – TMD, Ortalyq Azııa jáne taıaý shet elderdiń jetekshi taýar, valıýta jáne qor bırjalaryn biriktiretin bedeldi óńirlik platforma.

Qaýymdastyqtyń jyl saıynǵy jınalysy bırjalyq naryqtardaǵy ózekti syn-qaterler men trendterdi talqylaýǵa arnalǵan alańǵa aınaldy. Sessııaǵa qatysýshylar bırjalardyń qazirgi ekonomıkalyq jaǵdaılarǵa qalaı beıimdeletinin, qandaı sheshimder taýar naryqtarynyń tıimdi, turaqty jáne ashyq jumys isteýine múmkindik beretinin jáne búgingi tańda qor jáne valıýta bırjalyq júıeleri qaı baǵytta júretinin talqylady.

«Kaspıı» bırjasy is-sharaǵa qatysýshylarǵa saýda-sattyq kólemi, engizilgen IT-sheshimder jáne ınfraqurylymdy damytý jónindegi derekterdi qosa alǵanda, 2024 jylǵy qyzmet nátıjeleri týraly esepti usyndy. Prezentaııa saýda rásimderin ıfrlandyrý, mámilelerdiń ashyqtyǵy jáne ádil básekelestikti qoldaý boıynsha sheshimderge sholýdy qamtydy.

Sapar aıasynda bırjalar arasyndaǵy yntymaqtastyqty nyǵaıtýǵa erekshe nazar aýdaryldy. Buǵan deıin «Kaspıı» taýar bırjasy» AQ men Belarýs ámbebap taýar bırjasy arasynda ózara túsinistik týraly memorandýmǵa qol qoıylǵan bolatyn. Qujat ózara saýdany damytýdy, tájirıbe almasýdy, sondaı-aq birlesken jobalardy iske asyrýdy kózdeıdi.

«Belarýs ámbebap taýar bırjasyna bizdi jyly qarsy alǵany jáne mereıtoılyq baǵdarlamany minsiz uıymdastyrǵany úshin alǵys aıtamyz. Is-sharany joǵary deńgeıde ótkizgeni úshin Aleksandr Osmolovskııge jáne uıymdastyrý komıtetiniń barlyq komandasyna erekshe alǵys aıtamyz. Biz úshin jaı ǵana aımaqtyq bırjalyq qaýymdastyqtyń bir bóligi bolyp qana qoımaı, onyń damýyna úles qosý, ázirlemelerdi bólisý jáne naryqtar arasynda shynaıy kópirler salý mańyzdy», — dep atap ótti «Kaspıı» taýar bırjasy» AQ prezıdenti Murat Qadısov.

Mereıtoılyq jınalysqa qatysý «Kaspıı» bırjasy úshin halyqaralyq yntymaqtastyqty kúsheıtýge jáne ıfrlandyrý jáne turaqty damý salasyndaǵy óziniń basymdyqtaryn belgileýge múmkindik boldy.