Kaspıı teńizi 2 metrge tartylǵan

Foto: ashyq derekkóz

Kaspıı teńiziniń toqtaýsyz tartylýy – qaýipti. Saldarynan sýdyń tuzdylyǵy artady. Teńiz túbinde qysym azaıyp, ýly gazdar shyǵýy múmkin. Al bul Kaspııdiń ósimdigi men janýarlaryna zııan, dep habarlaıdy qandastar.kz

Táýelsiz ekologtar teńiz sýynyń naqty tartylý sebebin anyqtap, onyń áseri qandaı bolatynyn shuǵyl túrde zertteý qajet dep dabyl qaǵýda, dep jazady qazaqstan.tv.

Aqtaý qalasynyń turǵyny, qustanýshy Qanatbek Kenjeǵulov osydan 3 jyl buryn teńizde tastyń ústinde otyrǵan shaǵalalardy fotoǵa túsirgen. Al qazir ol tas jaǵadan alystap qalǵan. Kaspııdiń arqasynda Aqtaýdyń qysy jyly, jazy qońyr salqyn. Teńizdiń tartylýy aýa raıyna da keri áser etedi, deıdi ol.

«Biz teńizdiń qasynda turatyn bolǵasyn kórip turmyz, biraq teńiz tez tartylyp bara jatyr sońǵy 3-4 jylda. Sebebi, myna jerdiń bári sý bolǵan. 2021 jyly túsirgen fotom bar tastyń ústinde turǵan. Sol qazir qarap otyrsań sýy 1 metrge tómendedi. Sý tez tez tartylyp bara jatyr. Soǵan alańdap otyrmyz.»

Teńiz toqtamaı tartyla berse, tuz konentraııasy kóbeıedi. Bul onyń florasy men faýnasyna zııan. Sodan soń, teńizdiń túbindegi sýdyń qysymy azaıyp, ýly gazdar shyǵady. Onyń saldarynan sý janýarlary qyrylyp qalýy múmkin. Sondyqtan tolyqqandy ǵylymı zertteý júrgizip, Kaspııdiń mańaıyndaǵy eldermen kelise otyryp, teńizdi saqtap qalý qajet, deıdi táýelsiz ekolog.

«Kaspıı teńizge quıylyp jatqan sýdyń 80 paıyzy ol Edilden kelip jatyr. Edilden quıylatyn sý azaıǵany anyq. Sebebi Reseı tarapynan kóp mólsherde sý paıdalanatyn qondyrǵylar qurylyp, jumys jasap jatyr eken. Sondyqtan ol jerde Reseı men Qazaqstan jalpy 5 memleket arasynda kelisimsharttar jasalyp, osyndaı kedergilerdi boldyrmaý kerek dep oılaımyn.» Ádilbek Qozybaqov, táýelsiz ekolog