جاڭالىقتار
كاسپي تەڭىزىندە ءىرى يراندىق ەسىرتكى كونترابانداسى ۇستالدى
ازەربايجان مەملەكەتتىك شەكارا قىزمەتى 4 قىركۇيەككە قاراعان ءتۇنى نەفتچالا اۋدانى ماڭىنداعى كاسپي تەڭىزىندە ارنايى وپەراتسيا جۇرگىزىپ, يراننىڭ 2 ازاماتىن ۇستادى, دەپ حابارلايدى Qandastar.kz
بۇل تۋرالى inbusiness.kz سايتى جازدى.
جوعارى جىلدامدىقپەن جاعالاۋعا بەت العان قايىققا دابىل مەن ەسكەرتۋ وقتارى جاسالعانىنا قاراماستان, ولار قاشۋعا ارەكەتتەنگەن. قايىقتىڭ قوزعالتقىشى ورتەنىپ, قىلمىسكەرلەر ەسىرتكى سالىنعان پاكەتتەردى تەڭىزگە تاستاعانىمەن, شەكاراشىلار ولاردى سۋدان شىعارىپ, قۇرىقتادى.
قايىقتاعى ءورت سوندىرىلگەن سوڭ تەڭىزدەن تابىلعان پاكەتتەردەن 11 كەلى 850 گرامم ەسىرتكى انىقتالدى. ۇستالعاندار – 1994 جىلى تۋعان گۋلرەزا دجاۆاد اليرەزا جانە 1996 جىلى تۋعان بوردبار ميلاد مانسۋر – يران ازاماتتارى ەكەنى بەلگىلى بولدى.
اتالعان فاكتى بويىنشا ازەربايجان قىلمىستىق كودەكسىنىڭ كونتراباندا, ەسىرتكى تاسىمالى جانە شەكارانى زاڭسىز كەسىپ ءوتۋ باپتارىمەن ءىس قوزعالدى. تەرگەۋ امالدارى ءجۇرىپ جاتىر.
