Jańalyqtar
Kaspıı teńizinen úlken qara daq baıqaldy
Foto: primeminister.kz
16 tamyzda «Móldir álem» jobasynyń ekologtary Kaspıı teńizinen lastaýshy daqty anyqtady, dep jazdy qandastar.kz
Bul týraly Stan.kz aqparat agenttigi habarlaıdy.
Daqtyń aýmaǵy – 82 sharshy shaqyrym.
«Kaspııdegi móldir álem» jobasynyń qatysýshylary Sentinel-1A radıolokaııalyq fotosynda úlken fragmenttik daq tirkelgenin aıtty. Jobaǵa qatysýshylardyń aıtýynsha, ol munaı nemese balyq aýlaý qaldyqtarynan turýy múmkin.
Foto: twoworldkasp
Ol Qazaqstan jáne Ázirbaıjan sektorlaryn qamtıtyn Quryq portynan Bakýge deıingi keme qatynasy boıymen sozylyp jatyr.
«Bul endi sýdaǵy kezdeısoq «las daq» emes, Kaspıı kartasyndaǵy tutas qara belgi», – dep habarlady Transparent World.
Olar mundaı shyǵaryndylar jalǵasa berse, teńizdiń jaǵdaıy qurıdy dep alańdaıdy.
Aıta keteıik, buǵan deıin Qazaqstandyq vıdeograf Adaı Myrzataı jelidegi paraqshasynda Kaspıı teńiziniń 2013 jáne 2025 jyldardaǵy kúıin salystyrǵan beınerolık jarııalaǵanytýraly jazǵan edik.
