Kaspıı teńizinen jańa munaı daǵy anyqtaldy

Spýtnık sýretterinde Kaspıı teńiziniń betinde kólemi 0,4 sharshy shaqyrym bolatyn munaı daǵy baıqaldy. Lastaný Qazaqstan, Ázerbaıjan jáne Túrikmenstan sýlaryna tarap úlgergen, dep habarlaıdy Qandastar.kz

Ekologtardyń málimetinshe, bul munaı daǵy kemeden zańsyz tógilgen qaldyqtan paıda bolýy múmkin.

Sarapshylardyń aıtýynsha, bir ǵana kemeniń áreketi tutas teńizge qaýip tóndirip otyr. Teńizdi qorǵaýǵa baǵyttalǵan negizgi halyqaralyq qujat – MARPOL konvenııasy. Ol munaı, hımıkattar, qoqys pen aýaǵa taralatyn zııandy shyǵaryndylardy shekteýdi mindetteıdi.

Kaspıı teńizi resmı túrde «erekshe qorǵalatyn aımaq» mártebesine ıe bolmasa da, jaǵalaýdaǵy elder bul erejelerdi oryndaýǵa tıis. Sonymen qatar, 2003 jyly Kaspıı mańyndaǵy memleketter Tegeran konvenııasyna qol qoıǵan.

Qujatqa sáıkes, elder teńizdi qorǵaý, lastanýdyń aldyn alý jáne ony baqylaý sharalaryn qabyldaýǵa mindetti. Qazaqstan zańnamasynda da teńizge keme qaldyqtaryn tógýge tyıym salynǵan.

Degenmen, Kaspııdiń betinde paıda bolǵan munaı daǵy zańdardyń oryndalýyna qatysty kúmán týdyryp otyr. Bul jaǵdaı teńizdiń ekologııalyq qaýipsizdigine qatysty halyqaralyq jáne ulttyq baqylaýdyń qanshalyqty tıimdi ekenin qaıta qaraýdy talap etedi.