كاسپي تەڭىزىنىڭ جاعالاۋىنان ءولى اققۋلار مەن قازىلار تابىلدى

Lada.kz باسىلىمى جەرگىلىكتى تۇرعىندار بۇل ايماقتا زاڭسىز اڭ اۋلاۋى مۇمكىن دەپ بولجاپ, بيلىكتەن بۇل ماسەلەنى شەشۋدى سۇرادى. ينسپەكتسيا قىزمەتكەرلەرى «كوگىلدىر شىعاناق» تەك دەمالىس ورنى عانا ەمەس, سونىمەن قاتار اڭشىلىققا شىعاتىن ورىن ەكەنىن ءتۇسىندىردى.

«8 ناۋرىزدان 22 ناۋرىزعا دەيىن جۇرگىزىلىپ جاتقان اڭ اۋلاۋ ماۋسىمىندا قۇستاردى اتۋ زاڭسىز بولىپ تابىلمايدى. مەملەكەتتىك ينسپەكتورلار اپتا سايىن تەڭىز جاعالاۋىن شولىپ, قۇستار اراسىندا تابيعي جاعدايدا ءولۋ فاكتىسى تىركەلگەنىن ناقتىلادى. جاپپاي قىرىلۋ فاكتىسى انىقتالعان جوق. جاقىندا سۋدا جۇزەتىن قۇستار قونىس اۋداردى. مىڭداعان قۇستاردىڭ اراسىندا السىزدەرىنىڭ ءولىپ قالۋ جاعدايلارى بولادى. سونىمەن قاتار, جاقىندا تۇپقاراعان اۋدانى ماڭىنداعى جاعالاۋدا قالىڭ قار جاۋدى», — دەيدى ينسپەكتسيا وكىلدەرى.

بۇعان دەيىن ماڭعىستاۋ وبلىسىنداعى اۋىلداردا جەكە ۇيلەردىڭ اۋلالارىنان جابايى قۇستار تابىلعانى انىقتالعان. السىرەگەن قۇستاردى قۇتقارۋ ءۇشىن اۋىل تۇرعىندارى قورىق پەن تابيعي ساياباقتاردىڭ قىزمەتكەرلەرىنىڭ كومەگىنە جۇگىنگەن ەدى.