كاسپي تەڭىزىنىڭ جاعالاۋىنداعى 3,4 مىڭ گەكتار جەر مەملەكەتكە قايتارىلدى

وبلىستىق پروكۋراتۋرانىڭ مالىمەتى بويىنشا, كەندەرلى قۇمقايىرى دەپ اتالاتىن بۇل ۋچاسكە شىعاناقتىڭ وڭتۇستىك-شىعىستان سولتۇستىك-باتىسقا قاراي 23 شاقىرىمعا سوزىلاتىن وبلىستىڭ باستى كورىكتى جەرلەرىنىڭ ءبىرى.

باستاپقىدا, 2007 جىلى جەر ۋچاسكەسى «ماڭعىستاۋمۇنايگاز» اق-نا ساۋىقتىرۋ كەشەنىن سالۋ ءۇشىن 3,1 ملرد تەڭگەگە ساتىلىپ, كەيىننەن «گەليوس» جشس-نە 3,3 ملرد تەڭگەگە قايتا ساتىلعانى انىقتالدى.

تالداۋمەن اتالعان جەر ۋچاسكەسى جاو-مەن قر جەر كودەكسىنىڭ تالاپتارىن بۇزا وتىرىپ, زاڭسىز بەرىلگەنى بەلگىلى بولدى.

اتاپ ايتقاندا, جەر كوميسسياسىنىڭ وتىرىسى وتكىزىلمەگەنى, سونداي-اق جەر ۋچاسكەسىنە جەرگە ورنالاستىرۋ جوباسى بەكىتىلمەگەنى انىقتالدى.

وسىلايشا, جەر ۋچاسكەسىن بەرۋدىڭ جالپى ءتارتىبى بۇزىلدى (جەر كودەكسىنىڭ 43-بابى).

وبلىس پروكۋراتۋراسىنىڭ قاداعالاۋ اكتىسىنىڭ نەگىزىندە ۋاكىلەتتى ورگان ساتىپ الۋ-ساتۋ شارتتارىن جارامسىز دەپ تانۋ تۋرالى سوتقا تالاپ-ارىز ەنگىزدى.

ەكونوميكالىق سوتتىڭ شەشىمىمەن تالاپ قويۋشىنىڭ تالاپتارى تولىق كولەمدە قاناعاتتاندىرىلدى (زاڭدى كۇشىنە ەنگەن جوق).

بۇگىنگى كۇندە جەر ۋچاسكەسىنىڭ كاداسترلىق قۇنى 30 ملرد تەڭگەدەن اسادى.