جاڭالىقتار
كاسپي جاعالاۋىنان 88 ءولى يتبالىق تابىلدى
فوتو: Zakon.kz
ماڭعىستاۋ وبلىسىنىڭ تۇپقاراعان اۋدانىنان ونداعان ءولى يتبالىق تابىلدى, دەپ حابارلادى qandastar.kz turkystan.kz-كە سىلتەمە جاساپ.
قىزىل كىتاپقا ەنگەن جانۋارلاردىڭ قىرىلعانىن پوليتسيا ءبولىمى تىركەگەن. وقيعا ورنىنا ينسپەكتسيا, اكىمدىك جانە گيدروبيولوگيا جانە ەكولوگيا ينستيتۋتىنىڭ وكىلدەرى شىقتى.
يتبالىقتاردىڭ ولىمىنە نە سەبەپ بولعانى انىقتالعان جوق, سەبەبى ولاردىڭ دەنەلەرى قاتتى ءشىرىپ كەتكەن. بۇل جاعداي ساپالى سىناما الىپ, زەرتحانالىق زەرتتەۋلەر, سونىڭ ىشىندە ۋلانۋ مەن پاتولوگواناتوميالىق تالداۋ جۇرگىزۋگە مۇمكىندىك بەرمەيدى.
بولجام بويىنشا, يتبالىقتار شامامەن ەكى-ءۇش اپتا بۇرىن قىرىلعان.
