جاڭالىقتار
كاسپي جاعالاۋىنان تاعى دا يتبالىقتاردىڭ ولەكسەسى تابىلدى
فوتو:Istock
كاسپي ماڭىندا تاعى دا يتبالىق پەن قۇستاردىڭ ون شاقتى ولەكسەسى تابىلدى, دەپ حابارلادى qandastar.kz سايتى
بالىق ينسپەكتسياسى بۇل قالدىقتار وتكەن جىلى كۇزدە يتبالىقتار جاپپاي قىرىلعان كەزدە قالىپ قويعان دەپ ءمالىم ەتتى.
تۇپقاراعان اۋدانىنا قاراستى اقشۇقىر جانە سايىن شاپاعاتوۆ ەلدى مەكەندەرىنىڭ تۇرعىندارى كاسپي تەڭىزىنىڭ جاعالاۋىنان ءولى يتبالىقتاردىڭ ولەكسەسىن تاپتى. تۇرعىندار ەكولوگتاردى حاباردار ەتتى, سودان كەيىن ماماندار جاعالاۋدى تەكسەرىپ, تەڭىز جانۋارلارىنىڭ قالدىقتارىن تىركەدى.
وبلىستىق بالىق ينسپەكتسياسى باسقارماسى باستىعىنىڭ مىندەتىن اتقارۋشى قونارباي بازارباەۆ ولەكسەلەردىڭ كوپشىلىگى تەحنيكا جەتە المايتىن, جەتۋ قيىن جەرلەردە ورنالاسقانىن ايتتى. ونىڭ ايتۋىنشا, كەيبىر قالدىقتار وتكەن جىلى كۇزدە يتبالىقتاردىڭ جاپپاي قىرىلۋى تىركەلگەن كەزدە ساقتالعان بولۋى مۇمكىن.
«بىلتىر كۇزدە بۇل اۋماقتان 130-عا جۋىق ءولى يتبالىق تابىلعان. ونىڭ ءبىراز بولىگى سول ۋاقىتتان قالعان بولۋى مۇمكىن. قازىر اكىمدىك كولىككە قولجەتىمدى جەرلەردەگى جانۋارلاردىڭ دەنەسىن شىعارۋعا كىرىستى. بارۋعا قيىن ايماقتار ماسەلەسى ءالى دە تالقىلانىپ جاتىر», – دەدى قونارباي بازارباەۆ.
ول جاعالاۋدان ولگەن قۇستاردىڭ ولەكسەلەرى تابىلعانىن حابارلادى. وبلىستىق ەكولوگيا دەپارتامەنتىنىڭ ماماندارى زەرتحانالىق تالداۋ ءۇشىن تەڭىز سۋىنان سىناما الدى.
