Kaspıı jaǵalaýynan taǵy da ıtbalyqtardyń óleksesi tabyldy

foto:Istock

Kaspıı mańynda taǵy da ıtbalyq pen qustardyń on shaqty óleksesi tabyldy, dep habarlady qandastar.kz saıty

Balyq ınspekııasy bul qaldyqtar ótken jyly kúzde ıtbalyqtar jappaı qyrylǵan kezde qalyp qoıǵan dep málim etti.

Túpqaraǵan aýdanyna qarasty Aqshuqyr jáne Saıyn Shapaǵatov eldi mekenderiniń turǵyndary Kaspıı teńiziniń jaǵalaýynan óli ıtbalyqtardyń óleksesin tapty. Turǵyndar ekologtardy habardar etti, sodan keıin mamandar jaǵalaýdy tekserip, teńiz janýarlarynyń qaldyqtaryn tirkedi.

Oblystyq balyq ınspekııasy basqarmasy bastyǵynyń mindetin atqarýshy Qonarbaı Bazarbaev ólekselerdiń kópshiligi tehnıka jete almaıtyn, jetý qıyn jerlerde ornalasqanyn aıtty. Onyń aıtýynsha, keıbir qaldyqtar ótken jyly kúzde ıtbalyqtardyń jappaı qyrylýy tirkelgen kezde saqtalǵan bolýy múmkin.

«Byltyr kúzde bul aýmaqtan 130-ǵa jýyq óli ıtbalyq tabylǵan. Onyń biraz bóligi sol ýaqyttan qalǵan bolýy múmkin. Qazir ákimdik kólikke qoljetimdi jerlerdegi janýarlardyń denesin shyǵarýǵa kiristi. Barýǵa qıyn aımaqtar máselesi áli de talqylanyp jatyr», – dedi Qonarbaı Bazarbaev.

Ol jaǵalaýdan ólgen qustardyń ólekseleri tabylǵanyn habarlady. Oblystyq ekologııa departamentiniń mamandary zerthanalyq taldaý úshin teńiz sýynan synama aldy.