قاسىم, جومارت, كەمەل: تۇركىستاندىق كەلىنشەك ۇشەم بوسانىپ, 10 بالانىڭ اناسى اتاندى

فوتو: اشىق دەرەككوز

كەلەس اۋدانى, اباي اۋىلىنىڭ 33 جاستاعى تۇرعىنى 7 قىزدان كەيىن ۇشەم بوسانىپ, 10 بالانىڭ اناسى اتاندى, دەپ حابارلايدى  qandastar.kz.

كوپتەن كۇتكەن ۇلدارىنا قاسىم, جومارت, قىزىنا كەمەل دەپ ات قويعان. تۇركىستان وبلىسىندا ومىرگە كەلگەن ۇشەم بۇگىن وتباسىمەن قاۋىشتى. قاسىم, جومارت, كەمەل – مىڭجاسار وتباسىنىڭ كوپتەن كۇتكەن قۋانىشى.

گۇلناز مىڭجاسار مەرزىمىنەن بۇرىن, ياعني, 33 اپتاسىندا بوسانعان. كەيبىر قارسى كورسەتكىشتەرگە بايلانىستى كوپبالالى اناعا وتا جاسالعان. اكەسى باقىت مىڭجاسار قۇرىلىستا جۇمىس ىستەيدى. ال اناسى جۇمىسسىز. بالالاردىڭ اتىن اناسى قويعان. شالا تۋعان شاقالاقتاردىڭ سالماعى 2000 گرامم شاماسىندا بولعان.

«وتا جاساعان جانە جالپى №1 پەريناتالدىق ورتالىعىنىڭ اكۋشەرلىك بلوگىنا  العىسىمدى بىلدىرەمىن. مەديتسينالىق مەكەمەلەردە قولايلى جاعداي جاساپ, زاماناۋي جابدىقتارمەن قاماتاماسىز ەتكەنى ءۇشىن جانە مامانداردىڭ جوعارى كاسىبيلىگى ءۇشىن العىسىم شەكسىز. ەسىمدەرىن پرەزيدەنتىمىز سياقتى ۇلكەن ازامات بولسىن دەگەن ىرىممەن قاسىم, جومارت, كەمەل دەپ قويدىق»,– دەدى ۇشەمنىڭ اناسى.

وبلىس اكىمدىگى حابارلاعانداي, نارەستەلەردىڭ سالماعى – 1 كەلى 965 گرامم, 1 كەلى 925 گرامم جانە 1 كەلى 975 گرامم.

ۇشەمنىڭ اتا-اناسىنىڭ 7 قىزى بار. قازىر قىزدارى باۋىرلارىمەن قاۋىشاتىن كۇندى اسىعا كۇتىپ ءجۇر. سابيلەردىڭ اتا-اناسى №1 پەريناتالدىق ورتالىعىنىڭ دارىگەرلەرىنە العىستارىن ءبىلدىردى.