Qasym-Jomart Toqaev: Depýtat bolý – halyqtyń úni bolý

Foto: ashyq derekkóz

Memleket basshysy qazaqstandyqtardy máslıhat depýtattarynyń II respýblıkalyq forýmynyń ashylýymen quttyqtady, – dep habarlaıdy qandastar.kz aikyn.kz-ke silteme jasap.

«Barshańyzdy máslıhat depýtattarynyń II respýblıkalyq forýmynyń ashylýymen quttyqtaımyn!

Shyn máninde, bul jıynnyń mán-mańyzy aıryqsha. Depýtattar – ózekti máselelerdi ashyq aıta biletin, azamattardyń qoǵamdaǵy oı-pikirin atqarýshy bılikke tikeleı jetkizetin qaýym. Bir sózben aıtsaq, depýtat bolý – halyqtyń úni bolý degen sóz. Mysaly, jańa ǵana sóz sóılegen azamattar óte mańyzdy máselelerdi kóterdi. Áset Mahambetovtiń bilikti maman retinde atom energııasy týraly pikiri ózekti. Syrymbek Sársembaev mono-qalalardy damytý jóninde jaqsy usynystar aıtty. Rınat Zaıtovtyń ulttyq ónerdi qoldaý týraly paıymdary da oryndy. Depýtattar Iýlııa Kýchınskaıa jáne Evgenıı Býslaev ta óte ózekti pikirlerin aıtty.

Máslıhat – memlekettik bıliktiń óte mańyzdy tarmaǵy. Aımaq jurtshylyǵynyń tynys-tirshiligi, muń-muqtajy qashanda máslıhat depýtattarynyń jiti nazarynda bolýǵa tıis. Saılaýshylardyń múddesin qorǵap, el úmitin aqtaý – basty paryz. Men máslıhattardyń qyzmetine erekshe mán beremin. Jalpy, elimizde 3300-den astam máslıhat depýtaty bar. Sonyń 70 paıyzyna jýyǵy osy zalda otyr», – dedi Memleket basshysy.