قاسىم-جومارت توقاەۆ نۇرسۇلتان نازارباەۆتى مەرەيتويىمەن قۇتتىقتادى

مەملەكەت باسشىسى قازاقستاننىڭ تۇڭعىش پرەزيدەنتى نۇرسۇلتان نازارباەۆتى 85 جاسقا تولۋىمەن قۇتتىقتادى, دەپ حابارلايدى Qandastar.kz. 

قاسىم-جومارت توقاەۆ جەدەلحاتتا مەرەيتوي يەسىنىڭ تاريحي رولىنە توقتالىپ, ونىڭ جاڭا داۋىردەگى قازاق مەملەكەتتىلىگىنىڭ باستاۋىندا تۇرعانىن جانە قازاقستان رەسپۋبليكاسىنىڭ قالىپتاسۋى مەن دامۋىنا زور ۇلەس قوسقانىن جازعان.

سونداي-اق مەملەكەت باسشىسى تۇڭعىش پرەزيدەنتتىڭ قازاقستان استاناسىن كوشىرۋ تۋرالى شەشىمى ەل ەكونوميكاسىن وركەندەتۋگە جانە مەملەكەتتىڭ حالىقارالىق بەدەلىن نىعايتۋعا ايرىقشا ىقپال ەتكەنىن اتاپ وتكەن.

قاسىم-جومارت توقاەۆ نۇرسۇلتان نازارباەۆتىڭ دەنىنە ساۋلىق تىلەدى.