Álem jańalyqtary
Qasym-Jomart Toqaev Sınhýa agenttigine kólemdi suhbat berdi
2-4 shilde aralyǵynda QHR Tóraǵasy Sı zınpın Astanada ótetin ShYU-ǵa múshe memleketter basshylary keńesiniń 24-shi otyrysyna qatysady, sondaı-aq Qazaqstan Prezıdenti Qasym-Jomart Toqaevtyń shaqyrýymen Qazaqstanǵa memlekettik saparmen keledi.
NEGE. Sapar qarsańynda Qazaqstan Respýblıkasynyń Prezıdenti Qasym-Jomart Toqaev Sınhýa agenttigine jazbasha suhbat berdi.
«Árıne, jeke baılanystardy damytý yntymaqtastyǵymyzdy tereńdetýge jáne eki memleket arasyndaǵy qarym-qatynasta jańa kókjıekterdi ashýǵa mańyzdy serpin beredi. Osy jyldar ishinde aramyzda qalyptasqan shynaıy dostyq jáne senimdi qarym-qatynastar jańa uly maqsattarǵa qol jetkizýge yqpal etedi. Qurmetti Tóraǵa Sı zınpınmen kezdesýlerimizdi erekshe jylylyqpen eske alamyn», — dedi Memleket basshysy.
«Sınhýa» agenttigine bergen suhbatynda Memleket basshysy bilim berý júıesinde naqty nátıjelerge qol jetkizýge baǵyttalǵan pragmatıkalyq kózqarasqa erekshe qyzyǵýshylyqty atap ótti. Sondaı-aq ol qytaı tiline qatysty pikir bildirdi.
«Álemdegi jáne Qytaıdyń ózindegi de tez ózgerip jatqan tendenııalardy eskere otyryp, men tildik daǵdylarymdy saqtaý úshin, sondaı-aq Qytaıdyń saıası jáne áleýmettik-ekonomıkalyq damýyndaǵy sońǵy tendenııalardan habardar bolý úshin únemi qytaı tilinde kitaptar oqımyn», — dedi Toqaev.
