Qatal úkim: Sherzatty óltirgen Shynasyl 23 jylǵa, qalǵandary 7 jyldan 20 jylǵa deıin bas bostandyǵynan aıyryldy

Búgin marqum Sherzat Polat ólimine qatysty sot talqylaýynyń sońǵy otyrysy ótti. Sýdıa Sherzat ólimine aıyptalýshylarǵa úkim shyǵardy, dep habarlaıdy Qandastar.kz aqparat portaly turkystan.kz saıtyna silteme jasap.

Sot úkimimen:

Abzal Shynasylǵa, eki asa aýyr jáne bir aýyr qylmys,  QK-niń 99-baby 2-bóliginiń 5), 9), 14) tarmaqtary (adam óltirý), 24-babynyń 3-bóligi – 99-baby 2-bóliginiń 1), 7), 9) tarmaqtary (adam óltirýge oqtalý), 293-babynyń 3-bóligi (buzaqylyq) jasaǵany úshin qylmystardyń jıyntyǵy boıynsha – 23 jyl bas bostandyǵynan aıyrý.

Sakıev Ravılge, bir asa aýyr jáne biraýyr qylmys, QK-niń 24-babynyń 3-bóligi – 99-baby 2-bóliginiń 7), 9) tarmaqtary (adam óltirýge oqtalý), 293-babynyń 3-bóligi (buzaqylyq) jasaǵany úshin qylmystardyńjıyntyǵy boıynsha túpkilikti – 20 jyl bas bostandyǵynan aıyrý.

 Toqtaýbaev Azamatqa, QK-niń 293-babynyń 3-bóligi (buzaqylyq), 188-babynyń 1-bóligi (urlyq) jasaǵany úshin, buryn jasaǵan aýyrqylmysy jáne ol boıynsha ótelmegen jazasyeskerilip – 15 jyl bas bostandyǵyn anaıyrý.

 Ilıasov Nurqııasqa, QK-niń 293-babynyń 3-bóligi (buzaqylyq) jasaǵany úshin, burynǵysottylyǵy jáne ol boıynsha ótelmegenjazasy eskerilip – 9 jyl bas bostandyǵynan aıyrý.

Áskentaı Darhanǵa, Toqtaýbaev Nurbolǵa, Belgojaev Shyńǵysqa jáne Qalıahmet Dıdarǵa QK-niń 293-babynyń 3-bóligi (buzaqylyq) jasaǵany úshin zańmen kózdelgen barynsha qatań jaza – árqaısysyna 7 jyl bas bostandyǵynan aıyrý.

 Kámelet jasqa tolmaǵan Y.-ǵa QK-niń 434-baby (qylmys týraly habarlamaý) boıynsha – 1 jyl 6 aı bas bostandyǵynan aıyrý jazasy taǵaıyndaldy.

Dýman Ysqaq jazasyn kámelettik jasqa tolmaǵandardy túzeý mekemesinde óteıdi. Qalǵandary jazasyn qaýipsizdigi ortasha túzetý mekemelerinde óteıdi.