الەم جاڭالىقتارى
«قاتاڭ ايىپتايمىز»: قازاقستان سىرتقى ىستەر مينيسترلىگى سۋدانداعى جاعدايعا بايلانىستى مالىمدەمە جاسادى
فوتو: سىرتقى ىستەر مينيسترلىگى
ەلىمىزدىڭ سىرتقى ىستەر مينيسترلىگى بىرىككەن اراب امىرلىكتەرىنىڭ سۋدانداعى ديپلوماتيالىق ميسسياسى باسشىسىنىڭ رەزيدەنتسياسىنا جاسالعان اۋە شابۋىلىنا قاتىستى مالىمدەمە جاسادى, دەپ حابارلايدى qandastar.kz Skifnews.kz اقپارات پورتالىنا سىلتەمە جاساپ.
«قازاقستان رەسپۋبليكاسىنىڭ سىرتقى ىستەر مينيسترلىگى 2024 جىلعى 29 قىركۇيەكتە سۋدان استاناسى حارتۋمداعى بىرىككەن اراب امىرلىكتەرى ديپلوماتيالىق ميسسياسى باسشىسىنىڭ رەزيدەنتسياسىنا جاسالعان اۋە شابۋىلىن قاتاڭ ايىپتادى.
ديپلوماتيالىق ميسسيالار مەن ولاردىڭ قىزمەتكەرلەرىنە قاتىستى زورلىق-زومبىلىقتىڭ كەز كەلگەن كورىنىسىنە جول بەرۋگە بولمايدى دەپ سانايمىز.
مۇنداي ارەكەتتەر 1961 جىلعى ديپلوماتيالىق قارىم-قاتىناستار تۋرالى ۆەنا كونۆەنتسياسىنىڭ 22-بابىندا كەپىلدىك بەرىلگەن ديپلوماتيالىق وكىلدىكتەرگە قول سۇعىلماۋشىلىق نەگىزگى قاعيداسىن بۇزادى جانە بارلىق قاتىسى بار تۇلعالاردىڭ جاۋاپكەرشىلىككە تارتىلۋىمەن تولىق تەرگەۋ جۇرگىزۋدى تالاپ ەتەدى», – دەلىنگەن حابارلامادا.
