Katar Trampqa 400 mıllıon dollarlyq «ushatyn saraı» syıǵa tartpaq

Foto: Ben Curtis/AP

Donald Tramptyń ákimshiligi Katar koroldik otbasynan Boeing 747-8 úlgisindegi sán-saltanatty ushaqty syıǵa alýǵa daıyndalyp jatyr. Bul AQSh prezıdenti Donald Tramp óz ókilettigi aıaqtalǵanǵa deıin «Bort nómiri birinshi» retinde qoldana alatyn ushaq, dep jazdy qandastar.kz

Bul týralyStan.kz aqparat agenttigi ABC News portalyna silteme jasap habarlaıdy.

Budan keıin ushaq Tramptyń prezıdenttik kitaphanasynyń qoryna tapsyrylady. Bul syılyq jaıly resmı habar Tramptyń Katarǵa sapary kezinde, ıaǵnı onyń ekinshi prezıdenttik merzimindegi alǵashqy sheteldik sapary aıasynda jarııalanady dep kútilgen. Alaıda Aq úıdiń joǵary laýazymdy sheneýnigi qazirgi sapar barysynda syılyq tabystalmaıtynyn naqtylady.

Jeksenbi keshinde Donald Tramp áleýmettik jelide óziniń ákimshiligi bul ushaqty qabyldaýǵa daıyndalyp jatqanyn rastady jáne bul úderisti «óte ashyq jáne aıqyn mámile» dep atady. Sonymen qatar ol bul kelisim qorǵanys mınıstrligimen birlese júzege asyrylyp jatqanyn aıtty.

Tramp bul «ushatyn saraıdy» bıyl aqpanda Ýest-Palm-Bıch halyqaralyq áýejaıynda turǵan kezde óz kózimen kórip shyqqan. Ushaqtyń ishki kórinisi óte baı ári sándi bezendirilgeni sonshalyq, ol «ushatyn saraı» degen ataýǵa ıe bolǵan.

Aq úıdiń zań keńesshileri men Ádilet mınıstrligi mamandary Qorǵanys mınıstri Pıt Hegsetke arnaıy qorytyndy usynyp, Qorǵanys mınıstrligi bul ushaqty syılyq retinde qabyldap, keıin ony Tramptyń prezıdenttik kitaphanasyna berýine bolady degen tujyrym jasaǵan. Olardyń aıtýynsha, bul áreket AQSh Konstıtýııasyndaǵy emoluments clause – ıaǵnı shetel bıleýshilerinen nemese memleketterinen syılyq alýǵa tyıym salatyn tarmaqty buzbaıdy jáne paraqorlyqqa qarsy zańdarǵa qaıshy kelmeıdi.

Aq úıdiń baspasóz hatshysy Kerolaın Levıtt ABC News agenttigine pikir bildirdi.

«Kez kelgen shetel memleketiniń syılyǵy qoldanystaǵy barlyq zańǵa tolyqtaı sáıkes túrde qabyldanady», – dep túsindirdi baspasóz hatshysy.

Eske salaıyq, buǵan deıin Astanadaǵy HQKO-da reseılik prodıýserge kórsetilgen qurmet jelidegilerdi ashýlandyrdy. «Azamattarǵa arnalǵan úkimet» memlekettik korporaııasynyń baspasóz qyzmeti reseılik prodıýser Iana Rýdkovskaıanyń Astanadaǵy halyqqa qyzmet kórsetý ortalyǵyna (HQKO) kelgeni týraly jazba jarııalady. Jarııalanǵan vıdeodan Rýdkovskaıany memlekettik korporaııa basqarma tóraǵasy Arman Kenjeǵalıevtiń ózi jeke qarsy alǵanyn kórýge bolady.