كاتاردىڭ قاتىسۋىمەن تالعاردا ەكوقالاشىق تۇرعىزۋ جوسپارلاندى

قاتارلىق ينۆەستورلاردىڭ قاتىسۋىمەن تالعار قالاسىندا ەكو قالاشىق تۇرعىزۋ جوسپارى بار. بۇل ەكى مەملەكەتتىڭ اۋىل شارۋاشىلىعى سالاسىندا جوسپارلاعان جوبالاردىڭ ءبىر بولىگى عانا.
ەرتەڭ ەكى ەل باسشىلارىنىڭ قاتىسۋىمەن وتەتىن ىسكەرلىك فورۋمدا ولاردى جۇزەگە اسىرۋ كەڭىرەك تاقىلانباق. تاراپتار الداعى ۋاقىتتا ءتيىمدى كەلىسىمدەردىڭ سانىن كوبەيتۋگە نيەتتى.

اتاپ وتكەن ءجون, ەكى مەملەكەت اراسىندا بايلانىس ورناعالى كاتاردان قازاقستان ەكونوميكاسىنا سالىنعان تىكەلەي ينۆەستيتسيا كولەمى 75,9 ميلليون اقش دوللارىن قۇرايدى.

ەلىمىزدە بىرنەشە كاتارلىق كومپانيا جۇمىس ىستەپ, مۇسىلمان مەملەكەتىندە كاسىبىن دامىتىپ جاتقان قازاقستاندىق بيزنەسمەندەر دە بار. ءىلياس امىرعاليەۆ, كاسىپكەر: — گاز-مۇناي سالاسىندا كەلىپ باستاپ, وسىندا تىركەپ وسىنداي اراب ەلىنىڭ قالالارىنا تىركەلىپ, زاۋىتتارىنا كىرىپ جۇمىس باستاپ جاتىرعانىمىزد كورسىن دەپ ءبىلسىن دەپ كەلدىك.

بۇيىرتسا, داميمىز, وسەمىز, قازاقستانعا ينۆەستيتسيا الىپ كەلەمىز. قازاقستاندىق مامانداردى جۇمىسپەن قامتيمىز دەگەن ماقساتتا كەلىپ وتىرمىز. الماس قۇدايبەرگەن, قازاقستان-كاتار ساۋدا-ونەركاسىپ پالاتاسىنىڭ توراعاسى: — ينۆەستيتسيالىق كليماتتى قاراساق وزدەرىڭىز بىلەسىزدەر, بۇل جەردە سالىق جوق دەسەك بولادى. ءبىرىنشى كەزەكتە اۋىلشارۋاشىلىعى سالاسىنا ۇلكەن ينۆەستيتسيا قۇيۋى مۇمكىن. سەبەبى بىرنەشە جوبا قازىر تالۇقىلانىپ جاتىر. تاعى دا قاراساق, مۇناي جانە گاز سالاسىندا كاتارگاز, كاتار ەنەردجي ۇلكەن ۇلتتىق كومپانيالارى قازاقستانعا كەلۋى مۇمكىن. قارجى سالاسىندا بانكتەرى قازاقستاندا كەلەشەكتە جۇمىس ىستەيدى دەپ ۇمىتتەنەمىز.